recent
أخبار ساخنة

ماجد الكدواني التنازلات الشخصيه معا مرور الوقت بتتحول الى حق مكتسب / وطنى نيوز

الصفحة الرئيسية



كتب : هانى زكريا
ابني كان بينسى يشحن موبايله قبل ما ينام ..أخدته حطيته يشحن
صحي الصبح مبسوط أوي و قعد يشكرني ..
تاني يوم : بردو نسي، شحنته له، قالي : شكرا يا بابا..
تالت يوم : نمت بدري و ما شحنتش الموبايل بتاعه، صحي متضايق و زعلان و بيعاتبني ليه ما حطتيش الموبيل على الشحن ينفع كده ؟؟
- رتبت سرير بنتي كام يوم بدلها، بطلت ترتبه هي خالص، حتى لو مش تعبانة أو مش مشغولة..
- عودت صاحبي إني أتصل بيه أتطمن عليه، في يوم تعبت و ما سألتش عليه، زعل وقالي ما إتصلتش بيا ليه؟؟
- إستحملت زميلي ساعة غضبه، بقى العادي بتاعه إنه يتعصب عليا ..
- صديق ورث هو وإخواته عمارة بيقتسموا إيجارها..
ساب حقه لإخواته كام شهر و أما إتزنق شهر و حب ياخد إيجارها شهر واحد،
بصولوا ب إستغراب..
فكان لازم يحكي تفاصيل زنقته عشان ياخد حقه..
و..و...و....و.....حكايات كتير .. نفس النظام ..
كل إللي يجي على نفسه ويفضل غيره عليه ويشيل عنه، لازم يفضل كده أو هيبقي وحش ..
👈-أوقات بنتنازل على حقوقنا لحد ما الأخرين يفتكروها حق مكتسب!

 

google-playkhamsatmostaqltradent
close