recent
أخبار ساخنة

التريند المؤلم ...كتب: ابو سليم عبود / وطنى نيوز


 
كتب*ابو سليم عبود
يالنا من امه ضحكت من ترينداتها الامم
في الوقت الذي يحتفي فيه العالم اجمع بالاكتشاف الاثري الجديد والكبير والذي اذهل العالم لما يحتوي عليه من مجموعه من المومياوات الفرعونيه الكامله والمحتفظه بجمالها الطبيعي وألوانها الزاهيه مما احدث ضجه كبيره في عالم الاكتشافات الاثريه وتم الاحتفال بهذا الاكتشاف وابرازه في جميع صحف ومواقع وقنوات العالم الا مصر
إزاي ياجدع اه والله زي مابقولك كدا الا مصر طاب ليه ياعمنا
دا انا كنت شايف السيد رئيس الوزراء بنفسه ماسك بايده الحبل ونازل الحفر بنفسه علشان يشوف ويطمن علي الكشف الاثري الموزهل بنفسه وبصحبته السيد وزير الآثار ومجموعه كبيره من الخبراء والاثريين والمهتمين بالعمل الأثري
طاب امال ازاي ياعم احنا ولا حد مننا عرف امال قنواتنا وصحفنا ومجلاتنا ومواقعنا كانت فين ياعم انت هتجنني لا انت معرفتش ما عرفتش ايه ياعمنا مش احنا ما كوناش فاضيين امال ايه كنا بنعمل ايه
كنا بنحتفل بعمل القنبله الذريه
لا يافلح كنا بنسقف لاختنا لوردينا ربنا يكرمها خلت العلم كله يدور علي مصر علي الموقع وعلي اليوتيوب والفيس وخلافه
ازاي ياجدع
اه والله زي مابؤلك كدا
طاب احكيلي وفهمني
حاضر من عونيا ياغالي
اسمع ياسيدي
انا وغيري من الكثيرين من أفراد الشعب المصري صحينا علي الضجه الغير مبرره لمقطع الفديو الذي يحتوي علي وصله راقصه لاحدي سيدات الدول الاوروبيه والتي تقيم بمصر وتعمل راقصه شرقيه مغموره ففي احدي زيارتها الي احدي مراكز التجميل لعمل الميكاب الخاص بها قوم ايه تسمع احدي الاغاني الشعبيه المصريه وطبعا الراقصه لم تستطع مقاومه موسيقي هذه الاغنيه قوم ايه يامحترم الست الفنانه حلفت براس ابوها الله يرحمه ماهي خارجه من مركز التجميل من غير ما تقوم بعمل اللازم وتحيي عمال المركز وزواره بوصله رقص اصيله بتفهم في الواجب طبعا موسيقي المهرجانات عندنا لا يستطيع احد مقاومتها لا عربي ولا اجنبي لما تحتويه من مقامات موسقيه عجيبه. غريبه لا تراها ولا تسمعها الا في بلادنا المهم البنت انجلت.و اظهرت الكثير من مهارتها في ابراز فنون الرقص الشرقي طبعا وبلا شك البنت واحقاقا للحق لعلعت وأبدي الحضور انبهارهم بمهاراتها في الرقص الشرقي وتم إعطاؤها صك المرور ودا ليه ياسيدنا ما هو مش من فراغ دا لاننا اساتذه هذا الفن ومعلمينه واحنا اللي بنعلمه
للدنيا كلها ولاننا لدينا عمالقه هذا الفن ومعلمينه نقدر نحكم
مين تصلح راقصه ومين لا تصلح احنا خبره يامولانا في الموضوع ده بالذات وبيترفعلنا الشعار
المهم يقوم احد الحضور ابن حلال الله يباركله مستغل الفرصه ويصور اللي حصل كله طبعا ويروح رافعه علي صفحته وعلي اليوتيوب وعلي تويتر وعلي نفسه وبقت هيصه ووسع ياجدع واتفرج ياجدع علي لوردينا صاروخ الرقص الشرقي الجديده وطبعا احنا ذواقه وما فيش حاجه
زي كدا تفلت من بين صوابعنا معلمين ياجدع اه امال ايه
قوم يامحترم يدخل علي تويتر اكثر من٥٠٠٠٠٠الف زاءر في يوم واحد لمشاهده المقطع ما بنفوتش فرصه احنا ولا لينا ورق واتقلبت البلد والبلاد اللي ورانا علشان رقصه الحاجه لوردينا وابدي الجميع اعجابه برقصها مع التاكيد علي انها
علمت علي كل معلمين الصنعه يعني من هنا ورايح حد يدور علي شغلانه جديده للاخت صافينار واخواتها البنت هتولعها
الايام القادمه وطبعا لن يخلو فرح فيكي يا مصر من وجود اللاخت لوردينا الله يباركلها
ياه داانت معبي ومغلول من البنت قوي هي ايه اخدت منك اللقطه وهتقطع عليك
لا ابدأ ياعم بس انا مستغرب من اللي إحنا فيه ده
هو احنا ازاي بقينا كدا بقينا بالهيافه والسطحيه دي اللي تخلينا نسيب كشف اثري كبير زي ده ونهتم بمقطع فيديو لراقصه مغموره واحنا اللي عندنا ملوك الرقص كله
الكبيره تحيه كاريوكا وساميه جمال ولوسي وزمرده وهنديه وفيفي عبده وغيرهم كثيرات من ملكات هذا الفن
لدرجه انه اصبح اول مؤهلات معظم فتياتنا في مصر لترشيحها للزواج
واصبحت بدله الرقص من اول واهم جهاز العروسه
هواحنا بقينا كدا ازي
يمكن علشان كرونا نكدت علينا ولا علشان الناس مخنوقه
من اللي بيحصل في الانتخابات واستحواز احد الاحزاب علي الشارع السياسي في مصر ومش مدي فرصه لاي حزب جمبه يمكن
ولا يمكن الموود العام بتاعنا اتغير فحبينا نفك شويه
ولا يمكن الكبت الفني اللي بيعاني منه اللي زي حلاتي كدا
ماثر علينا فما صدقنا
ولا البنت ادت وصله الرقص بجوده عاليه ازهلت الجميع وخطفتهم خطف
يمكن
بس اللي انا متاكد منه
ان في حاجه غلط
ايه هي مش عارف
بس ربنا يستر
دومتم سالمين
اللهم ان كنت قد وفقت فهذا منك
وان كنت قد أخطأت فهذا مني
اللهم اغفر لي فانه لا يغفر الذنوب الا انت

 

google-playkhamsatmostaqltradent
close