recent
أخبار ساخنة

كل البشر لون واحد وبهتان


 

بقلم الشاعرة/اسماء كمال 


جيت اكتب ملقيتش غير الحزن ينكتب 

زينت م حبر قلمي الفرح فلاقيته سايب ومش ثابت 

وكأنه عارف اني لسه حزين 

الساعةة عدت واحدة وانا لساني قاعد بعاني م الوحدة 

بفتكر كل الي ياما كنت ليهم ووجعوني بالخزلان 

ف رجعت اكتب م تاني

 انا مش تمام 

انا صاب عيوني البكا ومبقيتش شايف غير كل شئ باهت 

كل الطرق تاهت 

وطريق وحدتي لساه مرافقني 

وملقيتش حد يسندني

 فبقيت افضل وحدتي بزيادة 

وانا الي كالعادة

 بحن واسامح واطبطب

و بتخان 

وكل شخص قولت أنه صعب يخون خلف الظنون وخان

حتي الي قالوا ووعدوا ووحلفوا ب اني مش ههون 

لاقيتني بهون 

وبرجع تاني نفس الكرة 

واندم تاني ف الوم نفسي واعاقبها كما اسير ف زنزانه

وانا تايه ف دوامة 

كل الي عدا علينا كان خاين وملوهش امان 

كل البشر لون واحد و بهتان 

وملقيتش منهم غير كل شئ زايف

ف كيف  

كيف أأمن وانا خايف

او حتي اقول م فيش

وانا م كتر الوجع والحزن مبقيتش قادر اتعايش 

ومش فاكر آخر مرة انا فرحان لكن انا عايش

واهي ايام بقضيها ع الدنيا وع الهامش

واداري ف قلبي احزاني 

ياريت يا هم تنساني 

وتكتب لي الهنا مرة 

انا مليت م الاحزان 

ف لجل اني اعدي بقيت ازيف ف الكلام 

بقيت اضحك غصب عني

وف السؤال بقول تمام

google-playkhamsatmostaqltradent
close