recent
أخبار ساخنة

ببساطه أصحاء..... ولكن...بقلم شيرين سليمان / وطنى نيوز



بقلم شيرين سليمان
 
لما حد بيسألك عامل ايه النهارده بتقوله الحمدلله والله تعبانه وعندى مشاكل والهموم كتير وكأننا خلاص ألفنا النعمه !! وعايزين الحياه بلا مشاكل مع إن ربنا قال ولقد خلقنا الإنسان في كبد . يعنى مشقه!! ودا الطبيعي تقع وتقوم وتقف على رجليك من تانى تتحمل وتقول يارب علشان أجرك يكون أكبر وأعظم
ونسينا أن فيه نعمه عظيمه ويمكن أعظم من اى حاجه فى الدنيا ومش حاسين بيها ومفكرناش غير لما أُبتلينا بكارثة الكورونا
عارف اى حاجه فى الدنيا مقدور عليها إلا الصحه!
منقدرش نشتريها ولا تقدر بتمن
لما كنت بسمع وانا صغيره مقولة الصحه تاج على رؤوس الأصحاء !! كنت بستغربها يعنى ايه ولما فهمت عرفت انك تقدر بصحتك توفر وقت, وفلوس, وتعمل علاقات مع الناس وتمارس حياتك اليوميه بشكل طبيعي وعلشان احنا إتعودنا على ده ألفنا النعمه وبقى عادي وجودها لكن الايام دي !! اكتشفت أن الصحه مش بس مجرد تاج لأ دا أساس الحياه هى مدار كون كل واحد يبني بيه حياته ومستقبله بيقرب بيها من ربنا ومن كل اللى حواليه فلازم نحمد ربنا فى كل وقت اننا أصحاء وان ربنا يديمها نعمه .
افتكر لو فقدت حاسة الشم ولا التذوق مع الكوفيد طعم كل حاجه واحد إحساسك بيها واحد تخيل أن دي مجرد حاسه بالنسبه ليك مابالك بقى بالناس اللى بتغسل ولا بتاخد كيماوي وغيرهم كتير اوى ربنا يعينهم ويشفيهم.
اوعى تألف النعمه وتحسها حق مكتسب أحمد ربنا دائماً عليها لأن بفضله احنا بس بنعيش فالحمدلله حتى يبلغ الحمد منتهاه اللهم أننا نعوذ بك من زوال نعمتك وتحول عافيتك

 

google-playkhamsatmostaqltradent
close