recent
أخبار ساخنة

اقصر حرب عربيه بيين مصر وليبيا / وطنى نيوز



كتبت مديحه الرشيدى

الحرب المصريه الليبيه هو اسم حرب قصيره بين مصر و ليبيا استمرت من 21 يوليو ل 24 يوليو 1977 و انتهت بإنتصار مصرى سريع بعد ما احتل الجيش المصرى مدن و مناطق فى ليبيا.

بعد تطاول معمر القذافى على القياده المصريه و تدخله فى شأن مصر ، بعد ما بدأت مصر تحضر لعمل اتفاقية سلام مع اسرائيل ، اتدهورت العلاقات بين مصر و نظام القذافي في طرابلس. فى مايو من نفس السنه اتهاجمت واتكسرت مركز البعثات الدبلوماسيه فى البلدين ، و فى يونيه طرد القذافى حوالى ربع مليون مصرى كانوا بيشتغلوا فى ليبيا ، و حشد القذافى مظاهرات حاولت تقتحم الحدود المصريه للوصول للقاهره لعمل اضطرابات فيها فلما اتصدى ليهم حرس الحدود امر القذافى بضرب مدينة السلوم الحدوديه المصريه بالمدافع . مصر كانت لسه طالعه من حرب اكتوبر ضد اسرائيل القويه وبطبيعة الحال جيش مصر و امكانيتها بتتفوق على جيش و امكانيات القذافى. فى 21 يوليو 1977 إبتدت العمليات العسكريه و المعارك على حدود البلدين و دخل الجيش المصرى ليبيا و هاجم الطيران المصرى المطارات و القواعد العسكريه التابعه لنظام القذافى ، لكن الرئيس السادات مرضاش إن مصر تحتل كل ليبيا على اساس انه بس كان عايز يدى القذافي درس يوريله ان مصر اللى حاربت ضد جيش اسرائيل القوى خمسة حروب فى حوالى 25 سنه مش صعب عليها انها تقهر جيشه و تحتل منطقته بسهوله ، و اتدخلت اطراف دوليه و حصلت هدنه فى 24 يوليو 1977 و خلصت الحرب تانى يوم فى يوم 25 يوليو 1977 و انسحبت القوات المصريه من المدن و الاماكن اللى احتلتها فى ليبيا.

* خساير الجيش المصرى: 4 طيارات ميج 21 ، و طياريتين SU20 و استشهد و اصيب 100 مصرى.

* خساير جيش القذافى : 60 دبابه ، و عشرين طياره من نوع Mirage 5 ، و اربعين ناقلة عساكر مدرعه ، و اتقتل و اتجرح حوالى 400 ليبى لكن الارقام ممكن تكون اكتر.

 

google-playkhamsatmostaqltradent
close