recent
أخبار ساخنة

هل الكورونا ممكن تتنقل عن طريق الاطعمه المجمده او الماكولات بصفه عامه / وطنى نيوز



كتب - هانى زكريا
اجاب على هذا السؤال الدكتور محمد علام فى البدايه كلنا سمعنا عن اخبار وجود بقايا للفيرس فى اغذيه مجمده فى الصين والبرازيل فهل ده يشكل خطوره
طبقا لمنظمه الصحه العالميه مفيش خطوره من الأغذية المحفوظة او المجمده وان انتقال الفيرس عن طريق الطعام غير مرجع ويظل الخطر عن طريق انتقاله عن طريق الاكل منخفض جدا
لكن طبعا ملامسه اسطح ملوثه بالفيرس طريق لنقل العدوى وان كان غير رئيسي لكن فى احتماليه فالمطلوب فقط الحفاظ على النظافه الشخصيه وغسل الخضراوت والفاكهه بمياه فقط وتنظيف الايدى قبل اعداد الطعام ده اصلا مطلوب دايما علشان يمنع امراض كتييره مش كورونا
ممكن ناكل فى مطاعم لو العاملين ملتزمين بالكمامه خصوصا اللى بيعملوا الاكل لان فى احتماليه منخفضه لنقل العدوى لو حد مصاب كح او عطس على الاكل او الادوات وبكرر احتماليه منخفضه جدا جدا ، فالمطلوب فقط اختيار مطعم نضيف واستخدام ادوات احاديه الاستخدام وغسل الايدى والنظافه الشخصية
لكن الخطوره الحقيقة فى الاكل فى المطاعم مش فى الاكل نفسه الخطوره الحقيقة فى التزاحم او ان المكان يكون سئ التهويه ومقفول ومفيش مسافات او اننا نخرج مع اصحابنا بدون كمامه ومفيش مسافه بينا فيفضل نخلى الاكل فى المطاعم فقط مع افراد اسرتنا والمطاعم المفتوحه افضل ولو هناكل مع اصحابنا نحافظ على مسافه متر بينا اثناء خلع الكمامه واحنا بناكل ومنشاركش حد الادوات نهائيا
الدليفرى لو من مكان نضيف مفيش خطوره نهائى منه لو المطعم نضيف وملتزمين بالكمامه كل وانت مطمن
الطريق الرئيسي لنقل العدوى الرزاز والاختلاط عن قرب بشخص مصاب بدون ارتداء كمامات او فى اماكن مغلقه دى اكثر طرق انتقال الفيرس اما ملامسه اسطح ملوثه فغسل الايدى وعدم تقريبها من الوجه وتعقيم اماكن العمل فعال جدا ضدها ومتشكلش خطوره تذكر لو عملنا كده
دمتم بأمان دكتور محمد علام

 

google-playkhamsatmostaqltradent
close