recent
أخبار ساخنة

ملعونه ياغربه .. بقلم : الشاعر محمد غبن / وطنى نيوز


 
بقلمي الشاعر / محمد غبن
شاعر آل غبن
 
 ملعونه ياغربه كلك فرقه
بعدانا عن الأحباب
ملعونه كلك كربه وكإننا
أسرى فى الغياب
أيه العمل مفيش بنقصدك
بس بنشوف الشقى والعذاب
وإحنا لاحوله بينا ولا قوه
السنه تجر سنه وعايشين اغراب
ملعونه وبرغم كدا نفسنا
نسيبك ونقفل ف وشك الباب
نرجع لبلادنا ونعتذر بس
إنت يابلد حوجتينا للأغراب
وبرغم مليانه خير إحنا اللى
تايهين وهنتوه اللمه والصحاب
قولنا نيجى نعيش أحسن
لو هنآكلها بملحك وعلى ترابك
ولا إن شويه يتحكموا فى
زهره شبابك اللى هم رجالك
كنت رافضه نسيبك ونبعد
مش برضوا أمنا وإحنا ولادك
الغربه مرار يابلد الكل
عايزنا نشتغل لغاية الموت
إوعاك تتنفس مصيرك
الطرد مكتوب علينا السكوت
الكل سابك مش قاصده
يبعد عنك أو إنه يسيبك
دا لو عايش وعيشك ناقصه
خمر جميل كفايه إنه بإ يدك
مش هم ولادك اللى خبزاه
كلنا منك وعاجبنا ملحك و ذادك
عاشقين ترابك بس مغلوبين
ع الغربه يلا سامحى شبابك
حاولى تلمينا تانى ولادك
شاربين من نيلك وعاشقين ترابك

 

google-playkhamsatmostaqltradent
close