recent
أخبار ساخنة

عشقتك يابلد...بقلم : الشاعر محمد غبن / وطنى نيوز


 
بقلمي الشاعر/ محمد غبن
شاعر آل غبن
15/11/2020
عشقت فيك يابلد ولقيتك
حضن دافى ملقتهش ف كل البلاد
فتحت ع الدنيا لقيتك
أم بتحضن وليدها ساعة ميلاد
جه مولود الكل فرحان بيه
وإستقبلوه بفرحه كبيره وترحاب
عاش متصان يابلد وسط
الأهل والقرايب والأحباب
كبر في الدنيا وجواك عايش
على إنتظار الحلم اللي غاب
فكر مع غلو الحياه يسافر
حالف تشوفيه أجدع شباب
يتحمل مسؤولية صانع وجوده
وقدامك بقى أجدع رجال
قال قبل مايسافر أمي
كفايه ربتني وعملت زيى أبطال
وقت الشدايد جنبها يسدوا
عين الشمس شامخين زي الجبال
علشان إنت طيبه وياما
إتحملت وربتينا ساعة ماكنا أطفال
واللى ينكر كل دا جاحد مش
إبنك وبنسميه طفل سفاح
عيشى ياغاليه وإنعمى
ياما عشت حروب وإتحملت جراح
وحياة قرآن مآذنك
وحياة حى علي الفلاح
أنا عاشقك أنا إبنك
وشراينى جايه من دمك
دوسى علي الأحزان سكه
وخدى من الأمل بكره
هتفصلى غاليه محميه من ربك
يابلد الكنائس والأزهر والقرآن
فيك المجدعه فيك الأمن والأمان
فيك شعب بيحبك
ويفديك لإنه بيعزك
وربك شاهد وحاميك
ياأغلى وطن وأعلى كيان

 

google-playkhamsatmostaqltradent
close