recent
أخبار ساخنة

ببساطه .....نظرية الهولد .. بقلم شيرين سليمان / وطنى نيوز


 

 
بقلم شيرين سليمان
ساعات من كتر ضغوط الحياه بنفقد شغفنا فى كل حاجه بنحبها،
وتحس إنك معدش عندك طاقه تعمل العادي اللى كنت بتعمله ،
تحس إنك بقيت فى وضع الهولد لا تحب ولا تكره بطلت تعافر مع اللى بتحبهم ، بطلت تناهد ، وتجادل بقى كله عندك عادي . اللي يحصل يحصل معدتش بتدور على نظرة الحب اللى كنت بتستناها من اللى بتحبهم
ولا عدت بتستنى التقدير والإعتزاز بدورك البطولي الفدائي اللى انت دافن نفسك فيه
وبقى كل اللى بتعمله حق مكتسب حتى لو بتيجي على نفسك وقت ما تبطله تبقى وحش واللى انت عملته فى نفسك
ده إسمه أذيه ، أذيه ليك لأن فى الأخر انت الخسران ومحدش هيحس بيك ولا حد هيعيش حياتك وهتلاقى نفسك تعبت
لأنك ببساطه وصلت لمرحله من اليائس انك عامل زي اللى بتنده فى مالطه لوحدك ، بتسقف لوحدك ، بتدور على كل حاجه لوحدك .
معدتش بتفرق عشت مُت سيان هيتزعل عليك شويه وخلاص كله هيدور فى نفس الساقيه تاني والعجله بتدور بس للأسف عمرها ما بتتحسب كدا لأنك لازم تفضل تعافر وتفوز بكل لحظه فى الدنيا أصلك مش هتعيش مليون سنه ولا كام عمر على عمرك بطل تيجي على نفسك علشان أي حد حتى لو روحك فيه اوعى تخلي نفسك توصل لوضع الهولد اللى علشان تخرج منه محتاج طوفان ، إجتياح يغرقك ويخليك تفوق انك لسه عايش ولازم تقف على رجليك وتعيش وللأسف انت ممكن تعيش عمرك كله تدور على الشخص ده ومتلقيهوش وتفضل فى الطاحونه دي بين نفسك وحياتك لأجل غير مسمى .

 

google-playkhamsatmostaqltradent
close