recent
أخبار ساخنة

رساله مهمه من الدكتور محمد علام للمصريين عن العزل المنزلى / وطنى نيوز


 


كتب - هانى زكريا
مفيش تحاليل ولا اشعه هتعملها تقولك انت سليم معندكش كوفيد
عندك اعراض او مخالط لحاله ايجابيه يبقى مفيش حل غير العزل
مفيش حاجه اسمها انا عندى اشتباه بنسبه 50٪ كلمه اشتباه يعنى كوفيد قولا واحدا
عندك اعراض بسيطه زى البرد او اخف منه كمان هتعتبرها كورونا وتتعامل بدون قلق مطلوب منك بس العزل طالما مفيش اعراض تقلق ، مش مطلوب منك تحاليل واشعه لانها هتطلع طبيعيه ولو عملتها بردوا مطلوب منك تعزل نفسك. (هحط لينك فيديو امتا مفروض تعمل فحوصات وامتا تكتفى بالعزل فقط)
الاعراض اللى عندك بسيطه وبتستقل بيها للاسف عند غيرك بتتطور وساعات بتكلفه حياته فانا شايف ان 10 ايام مش كتير خصوصا لو هتنقذ حياه.
الوضع هيتفاقم وهيزيد سوء للاسف ومحتاج سيطره على الحالات المعزوله منزليا والمخالطين مينفعش اسيب العدوى تنتشر بين الناس وكل لما حاله تقع احجزها كده انا معملتش حاجه انا بتعامل مع المشكله بطريقه معكوسه بدل ماحل الأسباب بتعامل مع النتائج.
رأيي وقلته كتيير مينفعش اسيب حالات العزل المنزلى بدون متابعه الموضوع مرهق طبعا ومكلف لكن ده الحل السليم لجذور المشكله مجرد اتصال يومى اعرف ملتزم بالعزل ولا لا وأطمن على حالته بحيث لو الموضوع بيتطور عنده الحقه بدرى اعرف اوجهه صح وان كان المرور كل كام يوم افضل لكن على الاقل الاتصال اليومى.
دمتم بخير وأمان بإذن الله دكتور محمد علام
google-playkhamsatmostaqltradent
close