recent
أخبار ساخنة

حكاوي زمان .. بقلم عطيه عفيفى / وطنى نيوز


بقلم عطيه عفيفى

عيني علي حكاوي زمان
بقول وكان يا ما كان
كان في محبه وخير وسلام
وقلوب بتحب مش أوهام
ووفاء وإخلاص وحنان
كان في خوف علي الجيران
وصحاب بجد وقت الطلب جدعان
وقعدة عرب بتصلح الخربان
وتحل المشاكل بحلول تمام
ومحمد وحنا ويوسف ويونان
إخوات بجد مش كلام
ولا الزوج وزوجته كمان
واهل تلم لاجل البنات والصبيان
مش طلاق وفراق وهجر وحرمان
كان في لمه وشوق وحنان
وكان وكان ياما كان
بس النهارده واليوم ندمان
والعقل اصبح في التوهان
من فرقه وبعد وهجر للخلان
ولا الزوح بيروح تعبان
ومراته عالنت تنام
و الواد عالسوشيال سهران
ولا لمه ولا صحبه الكل بقي غرقان
ولا سواقه بسرعه جنان
ولا الكورونا دي حتي كمان
نازله تخلص عالجدعان
إرحمنا يارب يارحمان
ونرجع تاني زي زمان
وكان وكان ياما كان

google-playkhamsatmostaqltradent
close