recent
أخبار ساخنة

مع علي وعليه ... وائل فواد / وطنى نيوز


 

وائل فواد 

مع علي وعليه
وهاني وهنية
وفتحي وفتحية
ويسري ويسرية
هبتدي بفرح ايام السنة الجديدة ديه
هبتدي من جديد وهعيش من اول وجديد
امور كتيرة كانت في الوقت اللي فات صعبة علي
وامور حلوة كانت دايما محببة لي لكن عني مستخبية
هعيش اوقات عشها قبلي ناس قريبة وحبيبة لقلبي
قالوا لي كتير عنها وفهموها لي يس انا كنت مهملها شوية
ازاي اخلي بالي اكتر واكتر من قريبي ومحبي
ازاي اراعي شعورهم اكتر واخاف عليهم من اي اذية
ازاي احبهم اكتر فعليا وعمليا مش بس كلمات متزينة
ازاي في وقت زنقتهم يلاقوني معاهم ومش عنهم متوارية
ازاي اخليهم يفرحوا معايا ويسندوني في اوقاتي اللي مش هي
كنت فاكر اني باعتمادي الزائد علي نفسي هبقي شخصية قوية
اتريني وانا بثبت لنفسي اني شخصية قوية طلعت منطوية
كنت بخاف من نظرات اللي حواليا واتوقع يشمتوا في
اتريني انا اللي كنت في الواقع ضعيفة جدا ومخبية
اه كنت مخبية عن نفسي اني فعلا ضعيفة بس مستقوية
كان نفسي ارتاح وابقي علي طبيعتي ومش خوافة وعاملة فيها مفترية
ايوة انا اكتشفت اني ضعيفة اوي كمان ومحتاجة مداوية
ايوة خايفة اطلع للنور واكشف لنفسي عيوبي المستخبية
فضلت اقنع نفسي اني قوية ومفترية ومحدش يقدر علي
لغاية لما في يوم حزين وفي عز الشتوية عرفت اللي في
خوف وقلق وتوتر وغيظ وغضب وحقد واني مش قوية
عيطت وانهرت ونوحت ولبست اسود علي اللي لاقيته في
ولما هديت وبطلت عياط اكتشفت اكتر واكتر عيوبي اللي في
كنت بخاف علي نفسي ومن نفسي من كل اللي حوالي
علشان كده كنت مقررة اني البس قناع الست المفترية
وبدل ما اقدم حب وتضحية للناس اللي حواليا
كنت بحاول دايما اكون عنيفة وناشفة وقاسية غير مراعيا
مشاكل الناس اللي كانوا دايما حواليا بيحاولوا يفرحوا في
بس انا من غبائي وضعفي كنت بشوف نظراتهم شماته في
معرفش ازاي وليه كانوا برده لسه بيعاملوني بالمحبة ديا
غريبة انا كنت ومزوداها شوية لا شويتين ثلاثة مية
لغاية لما شوفت حد بيطبطب علي بكل رفق وحنية
وفعلا عاوز يساعدني ويمد لي ايده بدون تريقة علي
في الاول مصدقتش وقعدت اقول اكيد في حاجه علي
اعرفها واشوفها واقبلها ولا هتطلع حاجة مش من اللي هي
فعلا الايد اللي اتمدت كانت عاوزة تسندني مش تبحلق في
فرحت جدا لما لاقيت ايد عاوزة تسندني وتحافظ علي
وانا اللي كنت فاهمة ان الدنيا كلها من حواليا وحوش ضارية
وكان لازم عاي اكون ست قوية وعلي طول براوية ومفترية
من هنا ورايح هخلي بالي من تصرفاتي مع كل اللي حواليا
واسند كل ضعيفة وضعيف واحميهم من كل مفتري ومفترية
google-playkhamsatmostaqltradent
close