recent
أخبار ساخنة

"نار الحرمان" بقلم الشاعر : طلعت حلمى عامر

 

انا مش هقولك كان وكان
 ولا هشتكى غدر الزمان 
انا بس هرجع بالزمن 
  لحظة ما كان قلبى التمن 
  قررت تبعد وتسافر
للمال بقيت تجرى تعافر 
 وتسيبنى انا قلبى يعانى
 وانا قلبى كان محتاج لحنان
   محتاج يحس معاك بأمان
قابلنى شاب وكان قادر 
يخلى قلبى يكون غادر 
   وانا قلبى كان لساه اخضر
  محتاج لقلبك يوم يحضر
  وكتير طلبت انك تحضر
بس انت قلبك كان قاسى 
ولا شوفته يوم مره مقاسى
فاتنى وراح لجل كراسى 
  قدرت تبعد وتسيبنى 
ماسألت ايه كان يناسبنى
 كان بس همك جمع المال 
وجاى بتسأل حالى ليه مال
وانا حالى مل من الاهمال 
وهو ده طبع الانسان    
 قلبه بيهجر م النسيان
وبيختفى وقت الحرمان
انا مش هقولك مظلومه 
لكن انت هجرك لى ظلومه
   وشيطان قريب كان له ودان
    قرّب لقلبى وخلاه خان 
والضعف كان سببه الحرمان 
     وانا لسه شابه وعايزه حنان
•°•°•°•°•°•°•°•°•°•°•°•°•°•°•

google-playkhamsatmostaqltradent
close