recent
أخبار ساخنة

مصر أم الأوطان ... بقلم : عطيه عفيفي / وطنى نيوز


 

 
بقلمي /عطيه عفيفي
 
قالوا فلان وقالوا علان
كتير بلدان كتيرأوطان
عالم مليان عالم إنسان
أنا المصري وبلدي أم الأوطان
مصر حضاره معروفه للملايين
أنا المصري ابن مينا موحد القطرين
وخوفو وخفرع ومنقرع ملوك مصريين
بنوا الأهرامات من آلاف السنين
مصر أبو الهول وأبو سمبل والكرنك معروفين
ونهر النيل وكمان بحرين متوسط واحمر طلين
أنا المصري الازهر والكنيسه علي ارضي موحدين
أنا المصري ومصر بلد المثقفين
من السادات ومحفوظ وزويل لنوبل حايزين
دا في السلام ودا في الأدب ودا في العلم متقسمين
العقاد ومصطفي وعلي أمين في الصحافه والروايه مشهورين
مجدي يعقوب ومصطفي محمود والشعراوي في الطب والتفسير معروفين
حتي الفن أم كلثوم وعبد الوهاب وعبد الحليم للوطن العربي محبوبين
أنا المصري معروف بخفة ظلي وحبي للملايين
عاشق لوطني دا خير أجناد الأرض هم المصريين
مسيحيه مسلمين كلنا علي أرضها متجمعين
أنا المصري دمي فدا طيني وفد أرضي
بحبك وعشقي زاد ليكي بحبك يا غاليه يا أمي
google-playkhamsatmostaqltradent
close