recent
أخبار ساخنة

اغراب فى الوطن ... بقلم : عبدة جاد الرب على / وطنى نيوز


 

بقلم / عبده جاد الرب على خليل 

مش كنت قلت يا وطن

ان احنا فيك اغراب

نشقي ونتعب زمن

ويتمتعوا الاغراب

حتي رغيف العيش

مليان حصي وتراب

وبختي فيك مايل

معدول مع الكداب

ياك فاكر اني ضعيف

عايش بلا احباب

لا يا وطن حاسب

واعرف حبيبك مين

اللي عليك خايف

واللي عليك باكيين

ده اللقمة لو حتكون

محشية حتي بطين

هناكلها واحنا رجال

عن عرضنا مدافعين

ولا نرضي يوم بالذل

خد عبرة من حطين

المصري مهما اتذل

يفضل قوي ومتين

لو كنا فيك يا وطن

باقيين ولا ماشيين

هتفضل انت الوطن

واحنا عليك عايشين

مهما حاربنا الفقر

واللي عليك حاقدين

وقالوها في الامثال

من باع ترابه حزين 

شاعر الجنوب بالقصير بالبحر الأحمر 

عبده جاد الرب على خليل

 

google-playkhamsatmostaqltradent
close