recent
أخبار ساخنة

"قصيدة رثاء" للشاعر الكبير عبد الرحمن الابنودي/وطني نيوز

صلاح علي زهران 
رحت رحت ياخال
رحت وسبتلى عكاذك
أنا  مقصوص الجناح
ماليش إلا عكاذك
شايف  عيون حزينه على فراقك
انا ياخال هكمل مشوارك
ما أنت اللى علمتنى واستاذى
رحت ياخال رحت ياخال 
لا لسه عايش جوايا 
هتكمل معايا الحكاية
الحكاية اللى جواك وجوايا
ما خلصتشي اللعبة معايا
ابتدت وباين ماليها نهايه
نهاية  تفرح ليها الحزانه
اللى مدفونين جوا الخزانة
إنت عارف طبعاً  محتويات الخزانه
عارفها كلها وعرفانى 
أسرار ماليها نهاية
متراكمة ومتسقفه فوق بعضها
قربت تاكل بعضها
وتنفجر الخزانه
آه  أه   شفت أنا الخزانه
يابوى عتمه قوى
مش شايف حاجه
آيوه علشان ياولدى
ما تعرفش حاجه
وتفضل فى دوامة
تخدك بعيد بعيد ياما
وتكون نهايتك
متبروزه ببرواز
عايزينه هما الافندية الديابة
وتنتهى بيك الحكاية

google-playkhamsatmostaqltradent
close