recent
أخبار ساخنة

"فيها حاجه حلوه"بقلم دكتور فوزي الحبال مدير مكتب الغربية/وطني نيوز

بحر، كلب مدرب بوزارة الداخلية، كان واقف في كمين، بالصدفه قاضي معدي بعربيته طبعا القاضي معاه حصانه، مينفعش يتفتش او حد يتعرض له، الكمين سمح للقاضي بالمرور ورفعوا الحواجز،  بس بحر كان ليه رائ تاني بواسطة حاسة الشم القويه بحر قدر يتاكد ان عربية القاضي فيها مخدرات، قعد ينبح وعايز يهجم علي العربيه ويشد الظابط اللي ماسكه بالسلسله ناحية العربيه، والظباط مش فاهمين فيه ايه ولكنهم برضو محدش اعترض القاضي خوفا من الحصانه، ولكن برضو بحر مصمم، ومع اصرار الكلب الظباط ف الكمين حسو ان فيه شئ غامض، لان بحر مش اي كلب وطالما عمل كده يبقي فيه حاجه، الظابط اللي ماسك بحر زكي جدا ساب الكلب وكآن السلسله فلتت منه . 
هنا بحر ركب فوق عربية القاضي ونفس الظابط اللي كان ماسك بحر جري ناحية القاضي وقاله لازم نفتش العربيه يا فندم وفعلا فتشوا العربيه ولقوا فيها مخدرات . 
بحر  ميعرفش يعني ايه وزير وميعرفش يعني ايه غفير، وميعرفش يعني ايه حصانه بحر اتدرب علي خدمة مصر وبس اتدرب علي الوفاء، الوفاء لارضه اللي هو عايش عليها، الوفاء للجندي اللي بياكله ويشربه، الوفاء في شغله المكلف بيه .
بحر  ما اقسمش علي حماية مصر، ولا يعرف يعني مصر اساسا هو بس شاف حاجه غلط ورفض انها تحصل . 
انت كانسان لما كل فتره تسمع عن وزير واخد رشوه او قاضي ممسوك بحشيش، وفي الاتجاه التاني تلاقي بحر بيقوم بواجبه تجاه مصر علي اكمل وجه ولا بيخون ولا بيبيع ولا بياخد مرتب، 
لما تلاقي بحر اوفي من بعض المسؤلين اللي ماسكين بلدك تحزن، لما تلاقي الوحيد اللي شغال بجد وخايف علي مصر هو بحر . 
كلب بميت راجل، كلب مخفش من السلطه قد ما خاف ع الحق، 
تحياتي ليك يا بحر .
google-playkhamsatmostaqltradent
close