بقلم/ محمد رشوان
بتطلبى بعيون قويه
انى ابعد من سكات
اصلها بالسهل هي
انسى حبك واللى فات
فين شعورك؟ فين ضميرك؟
اللى رضيوا اكون لغيرك
بعد قلبى ما كان ف ايدك
تخنقيه تخنقيه لحد اما مات
تسمحى قبل أما تمشى
تجاوبى على اخر سؤال
انتى ممكن يوم تحسى
بقلب حبك؟ ده محال
انتي مش حبه الا نفسك
واللى حبك بخته مال
واللى هيفكر يحبك
هيبقى ماضى وذكريات
اللى يظلم مره قلبه
قلبه وهو حر فيه
طب واللى يظلم قلب حبه
ده عقوبته تبقى ايه
واللى ضيع عمرى جنبه
بسهم غدرك وتصبيه
قلبى مش مسامح ف حقه
من النهارده للممات
وبتطلبى بعيون قويه
انى ابعد من سكات؟!
