recent
أخبار ساخنة

وطني نيوز | «تريزا منصور» تكتب : الاهل

كتب : تريزا منصور

اد ايه بنبقي في امان ودفا وسط اهلنا واخواتنا وعيلتنا وتجمعتنا وسط حبهم وخوفهم علينا 
محبه الاهل لينا الحقيقيه دي بقي اكبر نعمه في الحياه دي الامان والدفئ اكتر امان في الدنيا كلها حب اهلنا لينا بيدينا القوه والثقه في النفس يعني ديما تحس انك وراك سند كبير يقف معاك وقدام اي مشكله اي كان حجمها ونهايتها ( في شغلك ...صحابك..... حتي لو بقي عندك بيت واسرة) لما بتلاقي ضهر جامد بتسند عليه بتحس انك مش مكسور محدش بيطمع فيك ويوجعك بتلاقي كله يشيلك فوق راسه علشان عارفين وراك ضهر يهد الدنيا ويقلبها وهما دول الأهل فكل شخص وسط اهله ومحبتهم يابخته باهله اللي في ضهره وحمينه اشبعوا من اهلكم واحميهم انتوا كمان اتعلموا زي ما حبوكم وربوكم اعطيهم كل الحب اللي جواكم حافظوا عليهم ومضيعوش دقيقه بإمكانكم تكونوا معاهم وتساعدوهم وتحسوا بأمنهم وهما وسطيكم 
مهما كانوا صعبين مهما كانوا فيهم عيوب اوعه تقولوا مش قادرين نستحمل وتعبت بكره لو راحوا مننا هنندم عليهم وهتتوجعوا اوووي انكم ضيعتوا يوم في اهمالهم وقسوتكم عليهم
بلاش يبقي في رد فعل وحشه تجاهم حتي لو هما في جزء مش مقبول فيهم حبوهم واعطوهم حب اكتر قربوا منهم 
عارفين وجع حرمان وفقدان الأهل ده صعب اوووي وبيكسر وبيألم بتحسوا بعدم الامان والسند بتحسوا الدنيا اسودت حواليكم
حافظوا علي تجمعاتكم وسط اهلكم واخواتكم حافظوا على الحب واللمه والاحساس الحلو ده حبوا بعض بنقطه الدم اللي ربطاكم ببعض 
كل اسره لسه صغيره حافظوا عليها وكبروها بحبكم واهتمامكم لاولادكم ولنفسكم وحب ربنا اللي بيملا سعاده وبركه كبيره في البيت اعملوا زي ما اهلكم شبعوكم بالحب علشان اولادكم متلجئش لحب خارجي ودفا من برا البيت اعطوا كل الدفئ لكي تبنوا بيت كبير مليئ بالحب والاستقرار والشبع وعدم الحرمان والحرمان اقصد حرمان الحب والامان والثقه 
google-playkhamsatmostaqltradent
close