recent
أخبار ساخنة

أعذروني ...بقلم : هبة الله يوسف / وطنى نيوز



بقلميّےـ✍️...هبة الله يوسف محمود سند
أعذروني
وأعذروا صمتي وزهدي
لما بتحبوا الكلام
أصل الكلام مش باللسان
الكلام مــن طاقه هادية
يوم ما تبقى النفس راضيه
إنها تعبر بقول
أو حتى تحكي بإحترام
لما بسكت .....
مش بتنتهي ردودي
والا ينعدم كلامي
والا زي ما قالوا إنه...
السكات جاي م الرضا
مش إنه بعد عن الجدال
وإننا عايشين زمن
صبح السكات فيه إنكسار
أو تجاهل وإحتقار
مين قال زمان
وربط سكاتنا بالرضا
هو الرضا محتاج ستار
لما تبقى النفس راضيه
يومها تلقى ألف قول
يومها هيبان في العيون
يوم ماتفضحها إبتسامه
بلمعه تضوي م الجفون
يومها هانرد بهداوه
والردود هاتكون نقاوه
كل كلمه ليها معنى
هو ده معنى الرضا
مش جاي تقول
إن رفضي للكلام
جاي مـن رضا
رفضي ده ليه ألف قول
السكات ده هموم كتييييير
عدت بحور
فاقت جبال
السكات ده
حمل فوق الإحتمال
السكات ده رفض موقف
هايفيد بإيه كتر الجدال
لما تلقاني رضيت بغلب إني أتكتم
وكأني بحر وموجه عالي بيتردم
يبقى إتكتم
وبلاش تحاول نكش جرح بيلتئم
مش كل حاجه بتتحل بكلام
الحل ييجي بالهداوه والإحترام
لما أسكت ..
شوف إيه المعنى في سكاتي
ردي عندي.
أهون كتييييير مـن سكاتي
ردي مش معناه رضايا
لكن إحذر يوم سكاتي

 

google-playkhamsatmostaqltradent
close