recent
أخبار ساخنة

مصر الوطن بقلم عبده جاد الرب علي خليل/وطني نيوز


 بقلم /عبده جاد الرب علي خليل


وكتبت ياما كلام
من حرف ولا اتنين
مصري وبحب الوطن
وهشيله جوا العين
واللي يخون البلد
ملهوش غير حاجتين
البدلة حمرا لباس
والقبر ليه شبرين
ده خسارة فيه القبر
وخسارة دمعة عين
ينداسو تحت القدم
لو الف ولا اتنين
المصري اصله اصيل
معدن نظيف ومتين
ميعيبش ان البلد
فيها الخسيس والزين
الشجرة فيها فروع
والفرع له شقين
واحد دبل واترمي
والتاني طارح تين
واللي يشيل البلد
علي راسه او ف العين
يبقي اصيل واتولد
زي الاسد في عرين
وزمان قالولنا الولد
في المرجلة براجلين
لما تكون كلمته
عارفه طريقها فين
اهو كل مصري اتولد
راجلين كمان ف اتنين
واضرب وعد العدد
واحسب كمان لسنين
هتلاقي جند البلد
الافات علي الخطين
يكفيني اني ف مصر
بالسيدة وحسين
وحديث لخير البشر
مكتوب في قلب الدين
جندك يا مصر الوطن
افضل جنود عايشين
علي امن كل البلد
هيفضلوا محافظين
google-playkhamsatmostaqltradent
close