recent
أخبار ساخنة

" ألبوم صور " بقلم الشاعر .. طلعت حلمى عامر




بقلم // طلعت حلمى عامر


ألبوم صور

فيه اللى فات

واللى باقى واللى مات

فيه ذكريات

فيه الحنين ودموع أهات

فيه القدر

البوم صور

فيه الشباب

والصحة وسنين العذاب

فيه العيون

مليانة فكر بلون عتاب

فية الفرح فيه المرح

وفيه قدر ورا كل باب

احباب وعاشوا ف قلبنا

دلوقتى فى سجل العياب

فيه العبر

البوم صور

 فيه الحنين

بيردنا لابعد سنين

ويفرح القلب الحزين

فيه دمعه نازله ع الجبين

يوم فرحة ابن الاكرمين

فيه ضحكة باينة على الخدود

فيه حلم بـ يحلم  بالخلود

فيه وشوش وضاعت وسط دود

 فيه الحنين  فيه الأنين

البوم حزين

             لكنه حى

ومعاه بشوف للدنيا ضى

 

google-playkhamsatmostaqltradent
close