recent
أخبار ساخنة

اصل الشيلة ارواح مش طين ... بقلم : عبده جادالرب / وطنى نيوز


 


بقلمي...عبده جادالرب 
 
دورت كتير علي حد يشيل مني الشيلة
واتاري الشيلة دي حمل يهد
وملهاش حد
وانا فاكر شيلتي لوحديها كد الكيلة
وناديت علي فاطنة تقللي
وسمعت الصوت بالعافية جاي من جوة يرد
يا سي عبده الفرن ههتتفود
والقرص اهو طاب وهيتلدلد
وعيالك جايين من الزرعة
اصبر ويشيلو هم الشيلة
قلتلها يافاطنة يا بت العم
عيالي لا ليهم خال ولا عم
والشيلة بتاعتي انا لوحدي
مش عايز حد من اعيالي
يتعب ولا مني ف يوم يتغم
وعيالي هوكلهم غالي
وهدخلهم تعليم عالي
ولا عايز منهم حد يشيل
ولا حد يقول يا ما جرالي
ردت والصوت منها يلالي
يباركلي في عمرك ياالغالي
يا حبيبي وجوزي وابو عيالي
وفارقت الدار انا في المغرب
حالف ولا واحد يتغرب
وهشد انا حيلي ولا اتهرب
وهربي عيالي بحلالي
واتاري عيال عمي الحلوين
فاكرين بتمردغ في الفدادين
ولا ساكتين عني ولا عارفين
ان الشيلة ارواح مش طين
واللي يودي اولاده علام
افضل م اللي يورثهم طين
العقل هيفضل متنور
ولا يوم راح يسرق ويزور
علي اهله هيسال ويدور
وولاده هيبقو من الفايزين
عايشين وعيونهم فوق رافعين
والشيلة هتفضل تتحول
من ارض لارض
ولا عمرها يوم منك تنزل
ولا حتى عليها جبال تتهد
اصل الشيلة ارواح مش طين
google-playkhamsatmostaqltradent
close