recent
أخبار ساخنة

الحلقه التاسعة أحببت مخادع.. بقلم نادين العزومي/وطني نيوز


 بقلم/نادين العزومي


صباح الخير او مساء الخير لا اعلم اي وقت نمر به الان

فالوقت بالنسبه لها اصبح واحدا هل هو صبح او ليل وقت الشروق ام الغروب؟ 

هي حقاً لا تعلم شيئا عما يدور حولها.. غيابه عنها اصابها بقلق انه لن يعود مجدداً!! 

صمته وغيبته لكل هذه الاسابيع

 تخبرها بأن قربها لم يعد يهمه..

كانت دائماً ما تهرتل بكلمات عديمة الفائدة ولا معنى لها او ما كانت تشعر به.. بأنها مثلا لا تحبه ابداً.. وان وجوده او قربه لم يفرق في وقتها شيئا... .وان هو مجرد شخص يتمرد على حياتها فقط

ولكن هي الان تأكدت بأنها

 لا تحبه فقط بل هو اصبح كالأدمان لها..وان وجوده حياة وغيبته شبه حياة.. وانه اصبح يتمرد على قلبها بأكمله ف نعم حدث المستحيل وامسكت ب حبال حبه المفتوله..ولكن لا بأس 

 فـ اصدق حب هو عندما تحب مرء لا تعرف لماذا أحببته

________________________

اما عن هذا الرجل الذي لا حاكم له... وهذه البنت الذي لا تجد من يرشدها..هل لديكم عقل كافي لتفكروا لبضع دقائق ماذا تفعلو؟ الم يشفق قلبكم للحظه على هذه المسكينه؟ التي تنعتها (طيبة)  دائما ب ال "بسكوته" 

كفاكي يا فتاه لم يعد في قلبك رحمه؟ اسمك لا يدل على افعالك بالمره..وانت يا رجل الم تتظاهر بأنك تحبها؟ الم ترد ان تعود الى اياديك مجدداً اهل احدا يعشق احدا يفعل ما انت تفعله.. انت تدمرها على خطوات.. كفاك عقلية قذرة.. سحقاً لعقلك الذي يراود هذه المتمرده..



كرم: انا فعلا لازم اتحرك، فرصة كبيره اوي وهو غايب ادخل حياتها يمكن ترضى تنسى


طيبة وهي تتعدل في قعدتها: انت فاهم انت بتقول ايه ولا لا؟ بلاش افكرك عملت فيها ايه زمان وبكل سهوله عاوزها ترجع تاني وتقولك اه يلا نعيش في تبات ونبات


كرم: انا بعترف اني غبي جدا اني ضيعتها من ايدي بس انا فعلا لسه بحبها ومش عاوز حاجه غيرها 


طيبة: كرم امسك الورقه دي.. كرمشها.. كرمشها اكتر.. حاول ترجعها!! رجعها تاني زي ما كانت.. مش هتقدر، دا بالظبط لو رحت عملت اللي محدش عمله مش هتوافق تعيشلك تاني لو اسف كانت بتصلح مواقف وترجع حياة كانت الله يرحمه وحشني رجعت ميت


كرم: مش هتبطلي تعمليلي فيها فاهمه وانتي ولا اي حاجه اصلا


طيبه: لا حاسب علي كلامك، انا فاهمه وفاهمه اوي كمان


كرم: ايوه يعني هنعمل ايه 


طيبة: زي ما قولت.. هتروحلها


كرم: بجد؟ ازاي.. هحجز امتى وهنزل مصر امتى وازاي و..


طيبة: بس بس حيلك خد نفس الاول.. بعد بكره بالكتير تكون عندها

كرم: بس انا مش حاجز ومعتقدش فيه حجز اقدر احجزه  دلوقتي 


طيبة: متقلقش انا هتصرف


كرم: يعني هترجعلي صح؟ كل حاجه هتبقا احسن من الاول اكيد صح؟ 


طيبة: طبعا اكيد

واكملت في سرها: اكيد هتبقا جحيم عليك اكتر يا كروم.

 عشان تبقا تسيب واحده بتحبك وتروح  لواحده ناسية وجودك اصلا


كرم: طيبة.. طيبة انتي معايا


طيبة: ايه.. ايوه معاك هحجزلك حالا متخافش هتضطر انزل انا دلوقتي


كرم: تمام هستناكي تطمنيني


طيبة: اكيد حاضر 


صبراً جميلاً فقط على الذي سيحدث ويغير مسار حياة بأكملها يحولها للأجمل.. او صبراً قاهراً سيغيرها للأسوء. 

_________________________

أهل هذا هو الشعور الذي تمنيته حقاً؟ 

الم تتمنى ان هو من يصيبها؟ 

الم تدعو بأن تشرق زهور قلبها؟ 

اذن، فلماذا اصابها الضيق؟ لم تتمنى هذا ولا ارادته يوماً..

قطع شرودها وتفكيرها صوت فتح الباب.. فسرعان ما مسحت دموعها التي تملأ وجنتيها وانقلبت كأنها في حفل موسيقى مستمتعه به..


ميار: ممكن ادخل؟ 


دينا: انتي لسه هتستأذني ما انتي دخلتي خلاص 


ميار: ايه دا مالك.. دينا انتي انتي بتعيطي؟ 


دينا: انتي هبله؟ لا طبعا مكنتش بعيط هعيط ليه اصلا


ميار: على اساس اني اعرفك من يومين يعني كنتي بتعيطي ليه


دينا: انس


ميار: ماله؟ 


دينا: بقاله اسبوعين مبيردش عليا وببعتله ميردش ومش واصله نت ولا شبكه وموبايله مقفول او تقريبا عملي بلوك بقا 


ميار: هو دا اللي مزعلك يعني، عادي ممكن يكون مشغول عنده حاجه انتي متعرفيش ظروفه 


دينا: مشغول عني انا يا ميار،وحتى ولو بقاله اسبوعين مشغول ليه بيحط خطط لتحرير فلسطين


ميار بخبث :اهدي اهدي وبعدين من امتى الاهتمام بيه كدا.. انتي حبتيه ولا ايه


دينا: أأأ.. حبيت ايه ومين لا طبعا لا.. انا بس بسأل هي غريبه يختفي في اليوم اللي وقعت زاهر فيه يعني


ميار: ممكن تكون صدفه بطلي سيناريوهات بقا


دينا: ثواني لا دي مش صدفه لا.. قبل كدا كان قال انه هيسافر وبعد كدا قال انه مش مسافر خلاص ودا نفس اللي كان بيعمله زاهر قبل ما يختفى هو كمان!! 


ميار: الله.. ولله تنفعي مؤلفه، حلو اوي الجو دا 


دينا: اه شفتي انفع صح، اعتقد اسبني من المحاماة واتجه للتأليف


ميار:ايوه تنفعي جدا


نجحت دينا بأنها تغير مسار الحديث كي لا تعلق ميار بالحديث بالجدية الكبيرة هذه.. اخذتها على محمل الرفاهيه ولكن عقلها مازال يفكر به.. حقاً سحقا لعقلها هي ايضاً

________________________________________


فرح: لارا وحشتني اوي.. الكليه من غيرها ملهاش طعم


ليلي:I also miss her so much 


فرح: ليلي ليلي.. احنا مركزين في لغتنا بالعافية اتكلمي كدا زي ما بنتكلم 


ليلي:

 No, I will speak like I want


فرح: بطلي عند بقا واتكلمي زينا


ليلي: No..I will not speak Arabic


فرح؛ هتتكلمي عربي


ليلي: No 


فرح: هتتكلمي


ليلي: no


فرح: هتتكلمي


ليلي: لا مش هتكلم


فرح:ما انتي اتكلمتي اهو ايه لازمة دا كله


ليلي: ا.... 


يونس مقاطعاً: بس بقا بطلوا خناق وانتو شبه نائر ونئير كدا


ليلي: What does this mean? 


يونس: ايه دي؟ 


ليلي: نوئر ونئور


يونيس انفجر ضاحكاً: نوئر ونئور ايه بس.. اه بطني مش قادر.. اسمها نائر ونئيير


ليلي: Not important .. what do you mean? 


يونس: لما يبقوا اتنين بيتخانقو كتير ب اسباب تافهه او بيتخانقو سوا كتير في العموم زيك انتي وست هانم.. بنسميهم نائر ونئير


ليلي: امممم okay 

but نوئر ونئور the niser 


يونس: بوظتلنا اللهجه حرام عليكي


فرح: سيبك منها بس هو مروان فين


يونس: طائر الليل الحزين دا قاعد مخنوق ومتضايق من سفر لارا


فرح: عنده حق مش لوحده اللي متضايق.. بس هو هيفضل كدا على طول. دا طول الوقت قافل ع نفسه مكبر الموضوع 


يونس: اعتقد هو مش مكبر ولا حاجه هو بس بيحبها بجد.. واحد بقاله 6 سنين بيحب بنت ومش عارف يوصلها بسبب ان ابوها عمه وانتي تعرفي طريقه زاهر.. خايف يخسرها وخايف يخسر عمه ومستنى يتخرج ويكون له مركز زي مراد كدا


فرح: عندك حق مروان شخص كويس جدا مفيهوش عيب ولارا كويسه جدا ربنا يجعلهم من نصيب بعض 


يونس: يارب.. مش عايزه تقولي حاجه يا ليلي


ليلي:ايه؟ لا مش عايزه.. اقصد اه اكيد ربنا يوفقهم، انا هقوم عشان المحاضره


فرح: محاضره ايه!! النهارده الجمعه احنا كنا في كورس صبااح الخيير


ليلي: اه صح هقوم انا اروح مع السلامه 


فرح ويونس بتعجب: مع السلامه


يونس: مالها دي؟ 


فرح: معرفش ولله باين اتضايقت من سيرة لارا ومروان


يونس: غريبه هتضايق ليه يلا مش مهم.. انا همشي بقا


فرح: وانا كمان هروح يلا مع السلامه 


يونس: سلام


_______________________________________


رجعت احكي بس مش ليا بشوية ورق وكلام فارغ او يمكن رجعت انا احكي عشان محدش هيقدر يفهم انا فيا ايه؟ محدش قادر يحس باللي جوايا..هو ليه عمل كدا ليه علقني وسابني طب انا ذنبي ايه اني حبيته؟ وليه غايب في نفس الوقت اللي غاب فيه مديري انا مش فاهمه حاجه خالص..هو انا اتجنيت ايه اللي بفكر فيه دا مستحيل يكون حصل استحاله قطع حزني صوت رساله جريت على الموبايل ومسكته 

_ اا....ان..انسس..انس..دد..دا انس 

قريت الرساله اللي باعتها وعيني كلها دموع..

انس:امسحي دموعك واهدي اغسلي وشك وانا هكلمك انا بخير متقلقيش


دينا:انت فين..انت شايفني؟


انس:لا مش شايفك بس حاسس بيكي انا حافظك وكفايه كلام رسايل بقا صوتك وحشني 


دينا:طيب رن


رن ومسحت دموعي تاني اصل فرحة قلبي رجعت قلبي رجع ينبض من تاني 


انس:الو..الو 


دينا:ايوه 


انس:انا متصل عشان سمع صوت صرصور الحقل دا كدا؟


دينا بعتاب: وانت متصل بجد عشان تسمع صوتي..لا كتر خيرك 


انس بتنهيده:يا حبيبتي افهميني 



دينا:شش انت قولت ايه 


انس بمكر: قولت افهميني


دينا: انس متستهبلش قلت ايه قبل افهميني 


انس: امم قصدك على دي..قولت يا حبيبتي..ايوه انتي حبيبتي


دينا بغل: ليه وانت فاكرني بسألك عشان اسمعها منك تاني..لا انا بنبهك بس عشان لو فكرت كدا تقولها او سمعتها تاني منك طول ما انا مش على ذمتك هخليك تبطل تتكلم خاالص يا انس خالص


انس ضحك على حركاتها:خلاص في ايه انتي ايه يشيخه بحب مروان ابن عمي 


دينا:انت قولت ايه؟مروان ابن عمك؟انس انت عندك اعمام واولادهم وعمرك ما قولت؟


انس ارتبك: ايه..مهو مجتش مناسبه اني اقول يعني وكدا 


دينا حست بأرتباكه:انس..انت اسمك ايه الرباعي


انس:ايه؟


دينا بنرفزه:اسمك ايه الرباعي يا انس اظن كلامي واضح


انس:انس محمود عبد الحمدي المحمدي!!!!!


هل انس هو بالفعل انس؟ هل يكذب ام يقول كل شئ بصدق؟ هل كل احد كذب بشئ ستدوم كذبته.. هل من يحب احد سيظل يغرمه.. هل ستظل الصداقات دائمه بصدق؟ ام للقدر رأي اخر؟ 


#بقلمي

#نادين_العزومي

google-playkhamsatmostaqltradent
close