recent
أخبار ساخنة

ثمار بِرّ الوالدين كتبت مهندسة : مى رضا شبند



في لحظة من اللحظات وأنا حابه أساعد والدتي  افتكرت وهي كانت بتساعد جدي الله يرحمه في موقف مشابه وتلقائي لقيتني بقدم نفس المساعدة  وفرحت بفرحتها بيا وبإني ساعدتها بس انا كان بالنسبة ليا عادي كاني معملتش حاجة جديدة أو غريبة لأني اتعودت منها على كده هي وخلاتي مع جدي الله يرحمه ومع جدتي حاليا ربنا يرزقهم الصحة والسعادة جميعا يا رب . 
المهم مش بحكي لكم عشان تقولوا اني ببر بأهلي والكلام ده لا كلنا بشر وطبيعي  اننا بنغلط أنا بس بقول عشان عايزة انصحكم بحاجة مهمه ركزوووا معايا .
هي إن من شبَّ على شيئ شاب عليه ازاااي انتي قرفانا بمواقفك وجاية تقولي كده في الاخر ؟ 
لا صبراااا . 
أقصد أن زي ما إبنك او بنتك بيشوفوك بتتعامل مع والديك هيتعاملوا معاك بالمثل فنصيحة لوجه الله لو حابين أولادكم يعاملوكم بلطف وبإحترام وكل تقدير عاملوا الوالد والوالدة على أنهم ملوك واتكلموا عنهم في الغيب بكل فخر وثقة ويكون ده من قلوبكم لان لو مش من قلبكم أولادكم هتكون فاهمة ده إلا من رحم ربي في ناس بيكون عندها عقوق دائم عشان شيطانها غالبها وبعدين ماتنسوش  إن هما السبب في وجودنا وهما السبب برضه في ستر ربنا اللي عايشين فيه حاليا وهما السبب في كل حاجة حلوة في الدنيا ورضاهم برضه هو اللي هيكون سبب في دخولنا الجنه إن شاء الله .
،ىولو الوالدين متوفين خد ابنك وروح زورهم في المقابر وخليك دائم الذكر والترحم عليهم قدام أبنائك عشان هما يعملوا كده بعد عمرا طويل ان شاء الله .
يشهد الله أن أبي دائم الذكر والترحم لأجدادي رحمة الله عليهم وأني أحببتهم جداً دون أن أراهم سوى صوراً مُعلقة وأشتاق جداً للقاء جدتي وأن هذا من كثرة كلام أبي عنها فيارب قدرني أن اكون باره بهم كما حالهم مع أبآئهم
وأخيراً وليس آخراً ربنا ٱحفظ لنا أبآئنا وأمهاتنا من كل شر وسوء وارحم من غاب عنا منهم واجعل لقائنا بهم في فردوسك اللهم آمين .
google-playkhamsatmostaqltradent
close