recent
أخبار ساخنة

امل كداب ... بقلم : عبده جاد / وطنى نيوز


 

 
بقلمي...عبده جاد 
 
كل كلامي عشان اوصفلك
اني بحبك.. دمع عنيا!
والحنية.. علي كام همسة بقولهم وانت
بعدت شوية
طاب خايف ما تقرب مني...
او تسالني؟ بحبك؟!!
ايوة بحبك
عشت سنين وسنين مستني
تعرف حبي وتسال عني
تسمع مني كلام انا قلته
لنجم الليل انا كنت بغني
قلت عليك الفين موال
واللي اتقال
مني ف حبك
سمعه العم ويا الخال
حتي حجازي واد متقال
خد منهم مواويل واغاني
غناهم في البر التاني
وانا بسمعهم هنا في مكاني
وبردد وياه الحاني
ايوة بحبك....
عشت وناضر منك مرة تعدي عليا
تاخد بايدي وامشي معاك كده في الصبحية
نطلع ع الزرعة القبلية
وف الظهرية نروح الحرجة
عند الجميزة نقعد في الضليلة شوية
واتاري احلامي سراب
عاشت جوا امل كداب
زي النخال
مع اول حباية ريح
شال كل حكاوي الاحباب
ومن بعد ما غابوا الاحباب
حالف ما افتح تاني واعيش
وقفلت عليا الابواب
اصل الحب ده مهره تقيل
وانا مش ناوي تاني اشيل
هم الحب واعيش في الليل
اكلم نفسي واقول مواويل
واغني لصبح بعيد كداب
وكله سراب
google-playkhamsatmostaqltradent
close