recent
أخبار ساخنة

العيله وقيم المجتمع ... دكتورة فاطمه محمود / وطنى نيوز


 
 
دكتورة فاطمه محمود 
 
ما يؤخرك ليس ما أنت عليه ولكن ما تعتقد أنك لست عليه
صورتك عن نفسك أو صورتك الذاتية يعنى بتشوف نفسك أزاى هل شايف نفسك أنسان ناجح مميز متفرد بتعمل الصح صاحب أنجازات ولا شايف نفسك مستمتع بالحياة والدنيا ولا بتدافع عن اصحاب الحقوق ولا شايف نفسك مسالم بتبعد عن الشر وتغنيله ؟؟؟؟
كل واحد فينا شايف نفسه بطريقة وعارف أزاى بتتكون الصورة دى؟؟
من تربيتنا والعيلة والأصحاب وقيم المجتمع وتحليلنا أو رؤيتنا أحنا عن اللى بيجرى ونوصف نفسنا أزاى
طيب أيه المشكلة أنى أشوف نفسى بطريقة معينة نفسى وأنا حر فيها
الكارثة أن مش دايما بتكون صورتنا اللى بنرسمها عن نفسنا صح لانها زى ما قلنا بيدخل فيها أو بيتدخل فى تكوينها عوامل كتير فلو مثلا تربيتنا كانت شديدة القسوة أو شديدة التساهل وقتها حتحصل تشوهات فى الصورة دى يعنى ممكن اظن وأقتنع انى ضعيف مثلا ليس لى أى رأى وممكن أشوف نفسى أنى لازم طلباتى تجاب او أنى غير مهم أو غير محبوب أو لا أستحق وكل ده فى الاخر يكون اليبب انه يعطلك فى حياتك كتير ويأخر تحقيق أهدافك وأحلامك
يبقى الحل أيه علشان الصورة الذاتية متكونش عائق وحاجز بينا وبين أحلامنا ؟؟؟
أنك تعرف ذاتك الحقيقية قدراتك وتعرف نقاط قوتك ونقاط ضعفك وأزاى تحول نقاط الضعف لقوة مرة تانية وتفعل نقاط قوتك صح علشان تساعدك فى كل جوانب حياتك وأدوارك فيها وأولا وأخيرا الاتصال بالله عز وجل والقرب منه لانه وحده المعين فى رحلة حياتك.
 

google-playkhamsatmostaqltradent
close