recent
أخبار ساخنة

قصيدة تلاتين يونيو...كلمات الشاعر صلاح علي قطب / وطنى نيوز


 
كلمات الشاعر
صلاح علي قطب زهران
 
الشعب قال كلمته
في الثورة يوم تلاتين..
الكل حالف وقتها
لصبح في الميادين
ققالوا لمرسي احنا هنا
قاعدين ومش ماشيين
ما احنا تعبنا بقى..
هتخدنا تاني لفين
ولا في سولار.. ولا كهربا..
ولا ميا.. ولا بنزين
السعار علية ولعت
علي العيشه مش قادرين
رجعتها بجهلك سنين
وعملت دستور مسخرة
فصلته للمجانيين
وواليت جمعتك علي البلد
وزرا علي محافظين
ويا ريت يا مرسي بيفهموا
والله ناس خايبين
مش عزبة هي ولا تكية
دا احنا ناس واعيين
بخيبه اخرت البلد
وضيعتها بقوانين
الساعة عشرة في التمام
هتقفلوا الدكاكين
الجاز هيبقي بالكبون
والفرض له عشرين
اما الفقير وفرتله في اليوم
يا دوب رغيفين
اذا كان ده كله في سنه
عايز تقودنا سنين
رئيس وزرتك نابغة
تشوفه تقول مسكين
نفسي تقولي وربنا
جبته يا مرسي منين
...........................
السيسي قالها في البيان
أخرك خلاص في يومين
لكن يا مرسي بعدها
علي الشعب هبقى امين
واكيد هلبي مطلبهم
اصل احنا وطنين
كل الحكاية اتلخصت
في كلمتين اتنين
الشعب علشان تحكمه
لازم بعقل ولين
شكراً يا جيش خلصتنا
وقضيت علي الملاعين
شكراً يا سيسي يا بطل
خلتنا فوق عليين
ولا دي خيانه ولا انقلاب
دي ثورة بالملايين
ويا رب احرس بلدنا
واحميها من الظالمين
وارعي يا رب شعبها
ورجعنا متحدين
ده مهما إختلفنا
كلنا مصريين
مسلمين...مسيحيين
دايماً متحدين 
 

google-playkhamsatmostaqltradent
close