recent
أخبار ساخنة

وطني نيوز | «تريزا منصور» تكتب : الصدمات

كتب : تريزا منصور

من اكتر الحجات اللي بمر بيها في حياتنا هي الصدمه بس في صدمه بتمر في حياتنا مش بتأثر فينا أو بتبقي عابرة وفي صدمه بتاخد مننا كل حاجه حلوه 
صدمتنا في الحياه ممكن تفوقنا ممكن تخلينا نغير مسار حياتنا كله وممكن تخلينا ننجح ونعيش حياه افضل ماكنا فيها ....
صدمتك الوقتيه عمرها ماكانت اذاها كبير زي في شغلك متوقع حاجه ومجتش أو اتغيرت دي مش هتصدمك غير صدمه وقتيه وبس صدمتك في فلان عمل كده في فلان اه غير متوقع بس مش هتأثر عليك غير وقتي 
بس صدمتنا الكبيره في حياتنا ....... اللي فعلا ليها تأثير كبير هي انك تحط امل علي شخص عزيز عليك أنه عمره ماهيصدمك فيه عمره ماهيتمنالك الوحش اللي يخليك تغير حياتك ودنيتك معاه اللي وجعه هيسيب شرخ في قلبك وحياتك كمان معلم لأنك وقتها هتخاف ومش هتثق في كل الناس تاني علشان متصدمش صدمتك دي ممكن تكون خير من ربنا علشان تفوق ممكن تكون شايف اتجاه وربنا عطاك الاتجاه الصح تحت بند صدمتك في الشخص ده نفسه ......
صدمتنا في الصحاب وحشه جدا الصاحب ده بيبقي السند ويمكن اقرب من الاخ بتحط سرك وامانك معاه ويوم مايخونها اكيد بتبقي صدمتك اكبر مانتخيلها لانك بنيت احلام وتوقعات لحياتك بنظرة الحب والثقه والامان اللي كنت شايفه معاه 
صدمتنا في أهلنا دي بقي اكبر وجع وكسره اكبر حاجه ممكن ولا العقل ولا القلب يتخيلها لأن الأهل ده مش ارتباط وقتي ولا هيتنسه
الاهل دم بيجرى في عروق بعض يعني قهرتهم وحشه اووي بس علي اد مابيسيبه وجع وكسره قلب بس دول الاساسين في حياتنا مهما عملوا فينا بنحنلهم ومنقدرش نبعد عنهم زي الصاحب والحبيب واي شخص تاني في حياتنا لان صدق المثل " الدم عمره ما يبقي مايه"
فالاهل دول مهما كانت صدمتنا فيهم ووجعنا منهم هيفضلوا الحاجه اللي بنتسند عليهم طول حياتنا ومسيرنا نشوف منهم الحلو اللي اتوجعنا بيه في البدايه
في صدمه بقي في الدنيا دي اعتبرها خير كبير من ربنا اللي هي تصدمك في البدايه ونهايه الطريق تبقي جبل وهم علي قلبك ويتزاح اوعه تزعل علي حاجه مريت بيها وشوفتها صدمه وحاجه وحشه ....
بكره تعرف أن ربنا حنين ومش بيخلينا نحس بالوجع ونتصدم في اللي حوالينا غير وهو متاكد الأشخاص دول ميستهلوش .... إن الحاجه دي متنفعكش .... الحاجه دي مش لايقه وعليك ...... ربنا مرتب ليك حياتك حتي لو بدايتها صدمه كبيره نهايتها عوض حلو هيطبطب بيه علي قلبك عوض هتفضل تقوله اشكرك علي اكبر الصدمات اللي مريت بيها وكنت فاكر أنها حاجه وحشه وكبيره في حياتي .....
ديما قول يارب انا هقبل اي حاجه في الدنيا حتي لو هتصدمني وتخليني اشوف الوحش الاول انا راضيه بكل حاجه انت احن شخص علينا عمرك مافيك اذيه زي البشر فأنت اللي مرتب وانت الصالح لحياتنا فلتكن مشيئتك اي كان بدايتها ونهايتها ايه انا راضي بحكمك وحبك ليا وكل اللي هتبعتهولي من صدمه حلوه او وحشه انت معندكش وحش انت عندك ترتيب جميل في وقت معين 
فأنا في انتظارك يارب تعوض صدمتنا اللي كانت بترتيبك لصدمه تعطيني الفرح والسعاده بحكمتك انت
google-playkhamsatmostaqltradent
close