recent
أخبار ساخنة

وطني نيوز | «تريزا منصور» : تكتب الحب الخفي

كتب : تريزا منصور

الحب الخفي 

ده حب شخص داخلي وصادق ....... مش ظاهر لكل الناس بس محسوس للأشخاص اللي بنتعامل معاهم وبيبقي اقوي من الحب الظاهر للجميع لان الحب الظاهر بيحاول يثبت لكل الناس أنه بيحب وبيتعامل علشان بس كله يقول عليه انت شخص حلو وجميل بس بيبقي اوقات العكس في المظاهر وبس ....... الحب الخفي بقي فهو تعامل من داخلك الحب ده نابع من قلبك لكل اللي حواليك وميفرقش معاك مين يقول عليك كلمه حلوه ولا لا الحب ده ميهمهوش ملايين اللي حواليه يسقفوله أو يقوله انت حلو علشان تقول انا بحب وبعمل ..

الحب ده غريب فعلا وحقيقي جدا وبيفضل موجود بينا بالسنين ملوش مصالح ولا مظاهر الحب ده في ارتباط جامد وكبير في ميزة التضحيه في الخفا من غير تسقيف من الناس الي مش موجوده في الزمن ده ................

في اشتياق ولهفه وإحساس صادق بين الناس 

فيه خوف وود غريب نابع من جوا القلب والعقل ......

الشخص ده بيبقي مليان حب للجميع مش مستني الرد بنفس الطريقه ...... ربنا بيخلق فيه حب وثقه لنفسه وللجميع ......بساعد بحب وبجديه ........

الحب الخفي ده اقوي حب في الدنيا لانه صريح مع نفسه وبس صريح بحبه مع كل اللي حواليه ولو مع شخص واحد بيبقي اقوي واقوي 

انا عن تجربه شوفته وشوفت فيه قوه عظيمه مابيهزهاش جبل ولا مشاكل ولا ضغوط...... حب مربوط بقوه غريبه كل ماتبعد كل مابيقرب ليك اكتر واكتر ....

في حب وفي تضحيه لآخر نفس .....

الحب ده من أعظم حاجه في الدنيا علشان بيدي القوه والتحمل في الحياه بيدي الامل في الدنيا لما يبقي في شخص في حياتك بتبادله الحب مش شرط حبيب وحبيبه 

وجود الحب بجد بين كل الناس في حياتك ....صحاب اخوات.... أهل ....معارف ..... مساعده ......حتي حب الناس اللي حواليك اللي بتصادفهم بالصدفه اعطي بحب تلاقي حب ووسند وضهر ورضا من ربنا ولو أعطيت بنيه الحب الصادق أو الخفي اللي مش لازم تتبهر وتقول للناس انا بعمل كده علشان اكون واضح وباين واتظاهر بيه...... لا انت بتعمل كده علشان جواك حلو ......جواك نيه خير للجميع ........جواك حب خفي ......

مش لازم الناس تتكلم عليه 

الحب ده اصدق واحلا واجمل حاجه في الدنيا ربنا يخلي كل الناس اللي كان رزقها في الدنيا أشخاص يحبوا في الخفا ميتظهروش بحبهم علشان تقول كلمه حلوه بس في حقهم ........ حبهم لينا مصدر قوتنا وسندنا في الدنيا 

ربنا يحافظ علي الناس اللي عطتنا حبها وقلبنا وصدقهم معانا ...... علشان بس تشوف جوانا لحظه فرح وامل ..

الحب الخفي من اطهر القلوب في الدنيا من اقوي العلاقات اللي مستحيل تنتهي مهما مين حاول يدمره......

الحب ده اصدق حب مستحيل تستغنا عنه .......

الحب ده لما بيبقي موجود فكل شخص هتلاقي كل الناس صادقه ومقربه من بعض من غير غش وكدب ......

الحب المزيف علي وشوش البشر مش صادق مش لازم نظهر ونكلم قدام العالم علي حبنا بشوية صور او كلام أو بوستات جميله ومن جوانا نار وحقد وغل واذيه

الحب الحقيقي مش شرط ظاهر للعالم او بكلام كتير أو اغاني كتير .......

ممكن يكون حب خفي بداخلنا بس بسلام نيه ...بقوه.. براحه في التعامل...... بانك توصل الحب ده من غير انك يترفعلك في يوم شابوه علي تظاهرلك للجميع ....

حب واعطي وعيش بنيه الخير حتي لو كانت في الخفا بس اتاكد هتلاقي الظاهر من ربنا احلا واقوي .....

شخصيا حبي الخفي اقوي بكتير من الظاهر 

لان شوفت من الظاهر التعاسه والكدب والغش والاذيه ...

امه الخفي فده اجمل شي صادق لان ميهمش الناس كلها تتكلم عليه اد مابشوف بعيني انا بس الحب وصدق المشاعر والكلام والخوف والسند عليا لوحدي وبس عيني بس اللي بتشوف الصدق في مشاعر الحب ده 

رساله بشكر فيها أشخاص حبونا في الخفا من غير مصالح وارتباطات ربطانا ببعض...... انتوا اصدق ناس حتي لو بعدت بينا مسافات وظروف كتير ......يكفي سندكم معانا في الحياه وقوه ثقتنا لبعض من غير غش ..... من غير نفاق .....من غير ألم ووجع .......

انتوا اصدق ناس علشان حبكم ليا مصدر قوة ليا 

google-playkhamsatmostaqltradent
close