recent
أخبار ساخنة

ناس وناس...بقلم: طلعت عامر/وطنى نيوز


؛؛؛؛؛؛؛؛؛؛؛؛؛؛؛؛
فى ناس 
     التوهه وخداها
وشوق القلب وداها
على سكة اخرها عذاب 
وناس ماشيه ما حسباها
  ونارها معاها كاوياها
 لكن عايشه بقلب شباب 
              ******
فى ناس بتذل ناس تانيه
وتسرق م الزمن ثانيه 
    بتسرح فينا كاللبلاب 
وناس عارفه الحياه فانيه
 توزع خيرها ع الدنيا
     وتسبقهم خطى الترحاب
            ******
وناس فى الخلق بتتاجر
وعايشه تملى تتفاخر 
   وعضة الدنيا بالانياب
وناس عايشة على الأخر 
ولجل الباشا تتاخر
    ومفتاحها ما يفتح باب   
            ******
      فى ناس الدنيا بتسوقها 
  وناس الدنيا ما تسوءها 
    ومقسومه لناس سوقها 
وناس محرومه من سوقها  
  وناس راضيه بمقسومها
بقلمى .. طلعت عامر
google-playkhamsatmostaqltradent
close