recent
أخبار ساخنة

ليس كل مايلمع ذهب .... دكتورة فاطمه محمود / وطنى نيوز

 
 
 
دكتورة فاطمه محمود
مش كل اللي بيلمع ذهب خدوا بالكم من القاعدة دي كويس قوي في العلاقات
واعتمدوا علي حدسكم يعني ايه الكلام ده
اوقات بنشوف ناس نلاقي انهم بيلمعوا قوي لسانهم حلو وطريقتهم جذابه وتحس ناحيتهم بالأمن والآمان والسلام والحنان
مفيش حاجه تقدر تمسكها عليهم خصوصا ان كل اللي حواليهم بيرفعوا ليهم الشابوه بس انت جواك بيقول مش مرتاح وهنا ده دور الحدس
بتقعد تكدب حدسك لأن مفيش دليل مادي ملموس
بس سبحان الله بتحس كده ان في صوت جواك بيقولك احترس او تيك كير او ايه اللمعان الزايد اللي يزغلل العين ده
الناس دي عامله زي شراك الشباك يعني ايه
يعني عاملين زي الطعم في السناره
لسانهم الحلو وكلامهم العذب ده بيكون وراه مصلحة معينه
بسبب لسانهم ومعاملتهم انت ممكن تنجذب ليهم بس ده بيكون انجذاب الفراشه للنار لغاية لما تلاقي نفسها اتحرقت
القاعدة دي اعتبروها ختم اساسي في مجال شغلكم
يعني لو في شغلك لقيت حد كده ارجع خطوه لورا وامشي فوراً ورا حدسك
حدسك ده هو الطاقة اللي موجودة حوالين جسمك واللي ممكن تعمل شرز كده او تخليك مش متقبل وجود الشخص ده ومش عارف في ايه وتقعد تقنع في نفسك ان لا ده كويس ولسانه حلو والناس كلها بتشكر فيه
انا بالفعل وقت في الشراك ده وانتبهت له بس طبعا كانت حرب ضاريه
بس اتعلمت منها دروس كتير قوي اهمها
- اتبع حدسك في اي علاقه جديدة تدخل فيها يعني لو مش مرتاح للشخص مهما شفت منه من امان متصدقش الا بمواقف فعليه
- حلل كل موقف يخرج من الشخص ده وافهم منه الغرض ايه وهل فعلا عايز مصلحتك ولا بيدور علي مصلحة ليه من خلال مصلحتك
- علاقات العمل لاتصلح للصداقه متصدقش اللي يقولك انا زي بابا – ماما – اخوك – اختك دي علاقات اسريه مينفعش تدخل المصطلحات دي في علاقات العمل خالص لو فعلا في مجال لعلاقة طيبه تكون بره الشغل وده بيكون بنسبه 1% يعني من كل 100 زميل يطلع لك صاحب
ليه بقول كده ؟؟؟ لأنكم ممكن تكونوا اصحاب بس مصالح الشغل تيجي تعمل فتيل ازمه بينكم لو انتم قدرتوا تتغلبوا علي ده هنا ممكن فعلا تنشأ صداقه بس ده بيكون بعد سنين طويله ومواقف كتيره
- بلاش تآمن وتدخل في حضن صاحب اللسان الحلو وبلاش تدخل العاطفه في مجال شغلك تماما صحيح احنا مش آلات واحنا بشر بس طبعا ده يتوظف في حدود الشغل (تشجيع للي قام بشغله – تقدير ظروف تعب ليه او ظروف نفسيه ليه – مشاركة زميلك في العمل طالما مش هيأثر علي شغلك) مش في حدود بقي اننا عيله ولمه وقاعدة نوادي وحكايات ...
طيب انا ليه ركزت علي علاقة العمل ؟
لأن دي اكثر علاقات ممكن يظهر فيها مشاكل كتير جدا واحتكاكات لاحصر لها وكمان الوقت اللي بنقضيه فيه بيكون طويل والمصالح فيه اما بتضارب او بتتصالح
فياريت ناخد بالنا كويس قوي في العلاقات دي
وننتبه ان ليس كل مايلمع ذهب.. .
 
google-playkhamsatmostaqltradent
close