recent
أخبار ساخنة

حواوشي اسكندرانى / وطنى نيوز


 

 
كتبت/ندى أحمد القلشي.

- مقادير العجينة:
1- نص كيلو دقيق.
2- ملعقة كبيرة خميرة.
3- نص كوب زبادي.
4- 3 ملاعق زيت.
5- تلاتة ارباع كوب ميه.
6- رشة ملح.
7- رشة سكر.
- تتبيلة اللحمة:
1- ربع كيلو لحمة.
2- 2 حبة بصل.
3- كوب بقدونس.
4- كوب فلفل رومي مفروم.
5- نص كوب طماطم مفرومة.
6- ملعقة صغيرة بهارات.
7- ملعقة صغيرة كمون.
8- ملح وفلفل.
9- زيت زيتون أو ذرة للدهن.
- طريقة التحضير:
1- أولًا حاجة جهزي العجينة ، هتخلطي الدقيق والخميرة والملح والسكر وتقلبيهم كويس في العجانة أو بالمضرب وتحطي عليهم الميه والزبادي والزيت وتعجني العجينة كويس لحد ما تبقى متماسكة في إيديك .
2- قسمي العجينة كرات صغيرة وادعكيهم كويس بإيديك وسيبيها لمدة ربع ساعة لحد ما تتخمر
3- اخلطي اللحمة مع البصل والبقدونس والفلفل والطماطم وتبليها بالملح والفلفل واعجنيها كويس ، وممكن تضيفي رشة شطة زي ما تحبي
4- بعد ما العجينة تتخمر رشي الرخامة بالدقيق وافردي كرات العجينة دي عليها وادهني العجين بالزيت .
5- حظي جزء من خليط اللحمة على عجينة وبعدين غطيها بعجينة تانية ويكون الجزء المدهون من تحت ، واضغطي عليهم علشان يتماسكوا ، ممكن تستخدمي طبق أو قالب صغير بحجم الرغيف اللي انتي عايزاه وتضغطي به على العجينة علشان تكون متساوية من الأجناب وتقطعي العجينة الزيادة ، وبكده تكون كل الأرغفة عندك حجمها متساوي.
6- ادهني الرغيف بشوية زيت بسيط وحطيه في صينية ودخليه الفرن وسيبيه لمدة 20 دقيقة لحد ما العجينة واللحمة تستوي.
- طريقة التقديم:
قطعيه بالشكل اللى تحبيه وحطى ورقتين بقدونس أخضر للتزيين، وبطاطس محمرة وسلطة خضراء وسلطة طحينة.
∆طريقة سلطة الطحينه:
فى وعاء صغير خففى الطحينة ببعض المياه الساخنه وبعد الحصول على قوام جيد أضيفي القليل من الملح والفلفل والكمون،وعصير نصف ليمونة وملعقة خل صغيرة، وبعض البقدونس والكزبرة الخضراء المفرومين.
"صومًا مقبولًا وافطارًا شهيا"
google-playkhamsatmostaqltradent
close