recent
أخبار ساخنة

التريند والموضه .... دكتوره فاطمه محمود / وطنى نيوز


 

 
دكتوره فاطمه محمود
في مصطلح إسمه Social proof
وهو إن الناس ممكن تغير قناعتها وأفكارها في تصرف ما علي إنه(صح سليم ،عقلاني ،اخلاقي) والعكس
بناءاً على تكرار التصرف ده قدامهم
وتبني أكبر عدد من الناس للتصرف ده.
في تجربه اتكلمت عن الفكرة دي اسمها "Elevator Experiment"
في أول صورة سيدة بتدخل الاسانسير بتدي وشها لباب الاسانسير كالمعتاد.
بس مع الوقت بتلاحظ إن الناس واقفة العكس مديين ظهرهم للباب.
فبتستغرب ويفترض انهم مخطئين ، بس عادي بتكمل زي ما هى.
بعد كده السيدة اللي كانت في وشها نزلت من الاسانسير وسيدة أخري ركبت مكانها وخدت نفس الوضع بتاع الاغلبيه.
وهنا بقي شعرت السيدة الي بيتنفذ عليها التجربه بعض القلق .
لحد ما تبدأ تقرر إنها تغير وضعها وتقف زي الناس لانها شعرت انه حتى لو مش ده الوضع المألوف او الي مريح بس اهو الاغلبيه عملوا كده فخلاص اكيد ده الصح .
وكانت الملاحظة في التجربة هنا إن كل ما عدد الناس بيزيد تجاه تصرف معين كل ما اصبح قدرتك علي الاحتفاظ بقناعتك تقل بشكل تدريجي
و إن هو ده التصرف الصحيح وخصوصاً لما ميكنش عندك معيار مستقل بتبني عليه أفكارك ومعتقداتك.
السوشيال ميديا وبالتحديد الفيس بوك والتيك توك اكبر مكان ممكن تشوف فيه التجربة للمصطلح ده.
لان معظم الناس هنا معندهاش معيار مستقل بيهم في تكوين آرائهم الشخصية.
هما بيشوفوا الناس رايحه فين او المجتمع شايف ايه ويتحركوا معاه.
النهارده التريند هيشتم شخص مشهور وانا كمان هشتمه.
بكرة هيشكر فيه، خلاص أنا هكون مع التريند والموضة .
علشان كده لازم نبني افكارنا ومعتقداتنا لينا و لأولادنا علي اسس ثابته وقناعات نابعه عن فهم عميق للأمور مش نمشي ورا التريند والموضة وبس.
دكتوره فاطمه محمود
google-playkhamsatmostaqltradent
close