recent
أخبار ساخنة

(إكلير بالكاسترد وصوص الشوكولاته)


  كتبت:ندى أحمد القلشي

مقادير العجينه:

1- كوباية رقيق .

2- كوباية مياه. 

3- ربع كوباية زبده.

4- 3 بيضات. 

5- معلقة صغيرة فانيليا سائله . 

6- نص معلقه صغيره ملح.

∆مقادير حشوة الكاسترد.

1- كوباية حليب. 

2- صفار 3 بيضات. 

3- رشة ملح.  

4- نص معلقة صغيرة فانيليا سائله. 

5-ربع كوباية سكر. 

6- 2 معلقة كبيرة نشا.

∆مقادير صوص الشوكولاته:

1- ربع كوباية كريمة خفق.

2- نص كوباية شوكولاتة خام. 

3- معلقة صغيرة عسل. 

4- معلقة صغيرة فانيليا سايله. 

∆طريقة التحضير:

- اول حاجه نجهز الحشوه/

نسخن كوب اللبن على النار بس ميغليش،وفي طبق غويط نخفق صفار البيض مع السكر والنشا والفانيليا ونتركته على جنب،نحط الحليب على الصفار مع التحريك السريع بالمضرب السلك،نحط الخليط على النار ونقلب بس لحد ما الكتل تختفي ويتقل،نرفعه من على النار ونسيبه لحد ما يبرد ولازم تغطيه بنایلون ستريتش او كيس بلاستيك عشان مايعملش قشره ويفضل كريمي،في حله على النار نحط المياه مع الزبده لحد ما تغلي،ننخل الدقيق ونضيفله الملح وننزل بيه على المياه والزبده مره واحده وتقلب بسرعه بمعلقه خشب لحد ما الدقيق يختفي خالص والعجينه تبقا متماسکه،نرفعها من على النار ونسيبها تبرد حوالي 5 دقایق،نحط بيضة واحدة مع معلقة الفانيليا ونخلطهم كويس لحد اما البيضه تختفي،نحط البيضة الثانيه ونقلب لحد تختفي والبيضه التالته بنفس الطريقه،نسخن الفرن على 200 درجه،نجهز صينية كبيرة ونفرد فيها ورق زبده،نشكل العجينه بایدینا بالطول زى العيش الفينو او نحط العجينة في القمع ونشكلها صوابع طويله ونرصها في الصينيه،ندخل الصينية الفرن على درجة حرارة 200 لمدة 25 : 30 دقیقه و بعد مايستوي ولونه يبقى دهبي نطفي الفرن ونسيبه 5 دقايق والفرن مطفي ومقفول وبعدين نخرجه من الفرن ونسيبه يهدى خالص - نفتح صوابع الإكلير بسكينه مشرشره من الجنب زي السندويتش ونحشيها بالكاستر باستخدام القمع.

تجهيز صوص الشوكولاته للتزيين:

1- تخلط الكريمه مع العسل والفانيليا ونحطها على النار لحد ما تسخن

2- نرفعها من على النار وننزل عليها بالشوكولاته بأي نوع شوكولاته تحبوه ونقلب بسرعه لحد ماتدوب خالص.

3- ثم تغطي صوابع الإكلير من فوق بصوص الشوكولاته.

google-playkhamsatmostaqltradent
close