recent
أخبار ساخنة

باعنى...بقلم: طلعت حلمى عامر/وطنى نيوز



باعنى
وف عز ما كان واجعنى
 كنت بردوا بخاف عليه
 لو كان فى يوم سمعنى      
 كان يمكن أصعب عليه  

وسوس له فى يوم شيطان
ان انا قلبى اللى خــان
     ومن عاشر يوم شيطان
الدنيا تحزن عليه

ياما قال له كيت وكيت 
ولا مره انا يوم حكيت
وشوفت وما اشتكيت 
كان قلبى معاه ف ايديه

بالغالى انا اشتريته وبالرخيص باعنى
وحايلته وسط بيته  والرد كتير وجعنى

لو متكبر ومالوا   ..  يمكن مغرور بماله
          وشيطانه قلب له حاله
لكن صعبان عليا  وياخوفى من القسيه
والدنيا تقلب عليه

إرجع  واصرف شيطانك 
مين وزك هـو خانك
  وعامل قال حبيبك
 فكَّر من غير عينيه

    لو قال عنى عدوك
 شوفتنى لو يوم بضُرك
عقلك راح ليه معاه
  ونسيت كل اللى حبَّك

فى كتير منك واجعنى 
 ومهما فى يوم تبيعنى
 عمرى ما ابيعك ولا انسى
 مهما على روحى تقسى 
   بس انت اصعب عليه

 عمره ماحبك وصانك 
لو عكّر يوم ميزانك 
  او جالك واشتكالك
  همُّه بس تراضيه

لو كنت مصدقه 
 روح قول له وفرحه
انك خلاص بايعنى  
وانا برده هقول لحالى
    راح له ومن تانى
        باعنى
وهنت خلاص عليه

     

     " طلعت عامر "
    ==========
google-playkhamsatmostaqltradent
close