recent
أخبار ساخنة

عاااااارفة روحها ... بقلم : عماااد الأبنودي / وطنى نيوز

 
بقلم /عماااد الأبنودي
 
عارفة روحها ونا متأكد
أنها دلوقتى بتقرأ كلامي
وحروفي جوه عينيها ترقص
و شايل لها مني أرق سلامي
احترت ازاي اوصفها ياعيني
و أكتب عنها بس حاجات
و هيه السحر بحالو ياسيدي
و الجمال فيه كل الصفات
عود متظبط علي الفرازه
يخد طبعاً المرتبه الأولي
جمبها ملكات الجمال بأجازه
أصلها طب و مش معقوله
بص معااايا ياعم و ركز
و بلاش تبراق لجيلك جنان
دي الحلاوة و سكر مركز
و العسل طبعاً آخر جنااان
عيونها سيوف اللمعه تضوي
و تدبح بقسوة أيها حد
و أما الرمش جارح يكوي
مايعرفش هزار دايما جد
لما تعدي صدفه و أشوفها
تحصل دربكه و يقوم زلزال
يمكن عشان رقة مشيتها
شيء بصحيح فاق الاحتمال
متمكن جداااً أوي يا اخواتي
ونظراتها ليها ياما معاااااني
خلوني أسهر تملي ليلاتي
و تشقلب من وقتها حالي
أنا اللي استأهل ده يحصللي
اكمني مشيت ورا قلبي الولهان
ماجاش مرة أبداً ع بااالي
أنا كده فايق ولا في توهااااان
بس عشانها راح أتحمل
اصل العشق يابوي ناااااار
و إثبت معايا يقلبي و كمل
ما أنت واقع لشوشتك محتار

 

google-playkhamsatmostaqltradent
close