recent
أخبار ساخنة

الصداقة قيمة مهمة في كل العلاقات القريبة ( الجزء الرابع ) / وطنى نيوز


 


 
بقلم : بسمة أحمد عبد الرؤوف 
 
◇ الأساس التاني اللي هنبدأ نبنيه في علاقاتنا بالأشخاص القريبين مننا ..
وبنستنبطه من واجبات الصديق تجاه صداقته بالطرف الآخر هو :
٢- التعايش مع النقص المحتمل:
لأن تحمل نقص البشر دي صفة من صفات رب العالمين ..
وإحنا مأمورين بالتخلق بأخلاق الله سبحانه وتعالى ..لأنه هو سبحانه وتعالى أكتر حد بيتحملنا علي عيوبنا ..
هو الله الحليم سبحانه وتعالى الذي لايعجل بالعقوبة مهما أخطأنا ..
لأنك ممكن تبقي أحسن من المقربين منك في صفات معينة في الجدعنة والدعم والسند والكرم .. إنت ممكن تكون بتتعامل معاهم بالفضل لكن ممكن هما تلاقيهم بيتعاملوا بالعدل ..
إنت ممكن يكون عندك كرم وعشم فتلاقيهم هما ناس كويسة وجدعة ولكن مش زيك في الحاجات دي .. يعني ببساطة نسبة الصفات الحلوة عندك أعلي من نسبتهم ..
فهنا إنت محتاج تتحمل ده ..
فالمحافظة علي الصديق والأخوة في الله الجميلة دي عبادة وهتنفعنا في الدنيا وفي الآخرة ..
ربنا سبحانه وتعالى قال عن أهل النار : { فمالنا من شافعين ولاصديقٍ حميمٍ } ..
يعني ممكن صاحب يشفع لصاحبه لأنه دفع ثمن الصداقة واتحمل عيوبه .. ويكون معاه في منزلة عالية في الجنة بسبب إنه إنسان كويس مع الله ومع الناس ( والخلق عيال الله ) ..
فمثلاً فيه بعض الأصدقاء بيحب إنه يبقي عنده خصوصية كده ومايقولش أسراره لصديقه .. مع إن مشاركة الأسرار دي دليل علي القرب ..
لكن إنت مثلا بتحب تحكي مواضيعك ومشاكلك عشان الناس تحس إنها قريبة منك ..
فإقبل لو كان صديقك غير كده عشان ده مش نقص لكن ده طبع .
فتعايش مع نقص البشر وخذ نية التخلق بأخلاق الله معاهم ..
وتقبل نقصهم لو حصل في مرة إن صديقك هزر معاك بسخافة أو في مرة اتأخر عليك في المواعيد أو كان في بينك وبينه وعد ولم يوفي بيه ..
لكن هو إنسان كويس في المجمل كده ..
فتعايش مع إختلاف البشر ونقصهم ..
وده الثمن التاني اللي إنت مسئول تدفعه لحماية حبايبك المقربين منك .
ونكمل الباقي في الأجزاء الجاية من المقال بإذن الله
google-playkhamsatmostaqltradent
close