recent
أخبار ساخنة

الصداقة قيمة مهمة في كل العلاقات القريبة ( الجزء الخامس ) / وطنى نيوز



 
بقلم : بسمة أحمد عبد الرؤوف
 
◇ الأساس التالت اللي مهم نبنيه في علاقاتنا بالأشخاص القريبين مننا ..
وبنستنبطه من واجبات الصديق تجاه صديقه هو :
٣- صناعة ذكريات النجدة :
بمعني أن يكون بينك وبين حبايبك المقربين مواقف لاتُنسي ..
وإنك تكون تكلفت من وقتك وجهدك ونفسيتك ومالك عشان تنجد الصديق ده في حالات الفرحة وفي حالات الحزن والوفاة وفي حالات التعب النفسي اللي بتحتاج معايا بني آدم تاني يفيض عليا من نفسيته عشان يشيل معايا ..
■ فهل عندك ذكريات نجدة الناس تتذكرها لك بعد ماتموت ؟
فيدعولك ويتصدقوا لك صدقات جارية ؟ ..
¤ بالفعل ممكن يحصل ده ..
لإنك كنت ليك طلة وبصمة في حياتهم وإنت عايش ..
فلما انتقلت عند رب العالمين إلي الرفيق الأعلي ..
ماقدرش حد منهم ينساك ..
☆ سيدنا النبي عليه الصلاة والسلام في أواخر خطبه صعد علي المنبر وقال :
[ ما لِأَحدٍ عندَنَا يَدٌ إلَّا وقَدْ كافأناهُ ، ما خلَا أبا بكرٍ ، فإِنَّ لَهُ عِندنَا يَدًا يُكافِئُهُ اللهُ بِها يَومَ القيامَةِ ، ومَا نفَعَنِي مَالُ أحَدٍ قَطُّ مَا نَفَعِني مالُ أبي بِكْرٍ ، ولَوْ كنتُ متخِذًا خَلِيلًا ، لاتخذْتُ أبا بكرٍ خلِيلًا ، أَلَا وَإِنَّ صاحبَكُمْ خليلُ اللهِ ]
يعني ببساطة كل واحد وقف معايا وقفة قدرت أشكره عليها إلا أبو بكر لن أقدر أوفي شكره .. فتركت شكره لله يكافئه علي قدره لا علي قدري .
□ فممكن نرجع لحياتنا كده هل ليك موقف مع حد مايتنسيش ؟ ..
وهل وقفتي وقفة مع واحدة ماتتنسيش وعند الله الجزاء ؟
ربنا يجعل لنا مع حبايبنا ذكريات دعم ونجدة ..
لأن ده تمن كبير جدا بنشتري بيه حب رب العالمين ..
لأن ربنا بيحب كده سبحانه وتعالى ..
ولو ربنا سبحانه وتعالى أعطالنا الإذن يعطينا فوق مانتمني والمدد والعطاء من رب العالمين .
ونكمل الباقي في الأجزاء الجاية من المقال بإذن الله

 

google-playkhamsatmostaqltradent
close