recent
أخبار ساخنة

* إرحمي حالك ... بقلم عماااد الأبنودي / وطنى نيوز


 
 
بقلم / عماااد الأبنودي
•••••••••••••••••••••
العين مالها بتبكي
و دمعها ع الخد سايل
من كتر الألم بتشكي
و الوجع عامل عمايل
آه من قسوة العذاب
و من غدر الحبايب
الفرح رحل و غاب
و الشجن بيسوي العجايب
مادام الغرام هاااان
كان ليه حبنا من البدايه
خلاص مات اللي كان
و انتهت ما بنا الحكايه
و لاح الفراق و ندانا
علي عتبة السنين
ماشي الطريق معانا
بصحبة ويا الانين
يا عين إرحمي حالك
مفيش رجوع للي راح
كان إيه بس اللي نابك
غير القسوة و الجراح
و غرامك مدفون حنينه
في مقبرة النسيان
و الشوق مهما يناديله
ده تاه عن العنوان
و فري الدمعات كفايه
و بلاش الهم و التنهيد
و لحد هنا وكفايه
لحب مات كان وليد
يمكن صدفه تقابلي
هواكي
يحلي جوه الكون أيامك
و اللي فارق و ما عادش
معاكي
بكره يتندم ع غرامك

google-playkhamsatmostaqltradent
close