recent
أخبار ساخنة

هيا عبد الغني في ضيافة وطني نيوز في ثالث ايام عيد الاضحى المبارك / وطنى نيوز

الصفحة الرئيسية


 


كتب - هانى زكريا 🇪🇬
 
مذيعة وممثلة اردنية مصرية الجنسية من مواليد محافظة الشرقية مركز فاقوس ٢٦ عام ، وحاصلة على بكالوريوس الاعلام من جامعة القاهرة. وقدمت أكثر من عمل كمقدمة برامج مثل ” دنيا الفنون ، زيارة، ستارز .كوم” كما قدمت أكثر من عمل فني مثل”درب الشهامة والذي جسدت فيه دور ليلى ، مسلسل الحياة حلوة وقامت بدور حنان ،مسلسل الخوابي بدور فريدة ،كما قامت بدور الريم في مسلسل رياح السموم والكثير من الاعمال الفنية الناجحة
س : ازي قدرتي يكون ليكي جمهور ومتابعين كتير ليكي علي شاشة التلفزيون والسوشيال ميديا؟؟
ج : الحمدلله انا بطلع بطبيعتي ومش بحب اتجمل بشوف ايه المواضيع اللي تناسب الناس بكل رُقي واحترام وانسانية اولا وابتدى أناقشها مع المتابعين لي علي مواقع التواصل الإجتماعى او فى اعمال فنية سواء
مسلسلات او افلام.
س : ايه اكتر المدن المصريه اللي بتحبيها؟؟
ج : طبعا بلدي محافظة الشرقية وتليها عشقي مدينة الإسكندرية عروس البحر وبحب كمان جميع محافظات جنوب مصر ( الصعيد)
س : ايه اعمالك الفنية الجديده في عام ٢٠٢١ ان شاء الله؟؟
ج : اعمالي الفنية السنه دي ان شاء الله مسلسل ذياب هباب الريح وفي فيلم هينعرض ف اهم المهرجانات العربيه والدوليه اسمه لطف خفي
من بطولتى أردني بيحكي عن فكره اجتماعيه انسانية و دينيه وفي مسرحية لڤ ستوري مسرحية مصرية اردنيه ايضا واخيرا مشتركه في عمل مصرى هعلن عنه قريبا إن شاء الله
س : مواصفات فتى أحلامك ايه ياهيا؟؟
ج : هختصر اجابة السؤال ده فى كلمه واحده انه يكون راجل بمعنى الكلمه ويكون انسان بيعرف ربنا ويحبني ويتقبلني بعيوبي اولا قبل مميزاتي
ازاي دخلتي عالم السوشيال ميديا وبقت فيديوهاتك بتجيب ملايين المشاهدات ؟؟؟
كانت صفحتي مفيهاش غير اصحابي واقاربي وكنت مش بيأس وكل ما احس اني عاوزه اتكلم او اعقب على موضوع معين بعمل فيديو وبنزله علي صفحتي الرسميه لحد ما في مره علي مره عملت فيديو انتشر انتشار واسع والناس عرفتني وهو فيديو رد على الفنانة حياة الفهد .ووصفت من خلال الفيديو ان الوافدين ناس ليهم احترامهم وتقديرهم وابويا من الوافدين الموجودين ف الاردن واتكلمت عن حبي للاردن وحبي الكبير لبلدي مصر وبتكلم من الناس بكل تلقائية ووضوح والحمد لله بفضل رب العالمين بوصل لقلوبهم.
ازاي جتلك فكره فيديو محافظة الشرقية الي عملتيه بالاسدال بطريقه حلوه وبسيطه ؟؟
انا من الشرقيه وكان بقالي سنه غايبه عنها نزلت ولقيت لسه كل عادات الكرم والاصول والروح الحلوه الي اتربيت عليها موجوده بل واكتر ..كل حرف قولته ف الفيديو كان من قلبي ومن الجمال والكرم الي شوفته من الناس الي اعرفها ومعرفهاش
انا فخوره اني من بلد عظيمة زي الشرقيه
س : بتحلمي بأيه يحصل بين الدول العربيه؟
ج : بحلم يكون بين جميع الدول العربية ألفة وترابط و السلام والخير والموده تعم علي جميع البلاد والشعوب العربيه.
google-playkhamsatmostaqltradent
close