recent
أخبار ساخنة

عيد سعيد ياحباب ... بقلم: سناء العاجز / وطنى نيوز


 
بقلم: سناء العاجز 
 
العيد جانا ولا مجاش
ماتكمل الفرحه الا بلمة الاحباب
هما عيدنا و فرحتنا
والباقى عدى وفات
عيد الفدا كله محبه
نضحى بعد الصلاه
والكل ياخد نصيبه بشرع الله
ونسعد الأهل والأحبة
وتتلم العيلة والصحاب
ونشم روايح اشكال والوان
متبلة زعتر وقرفة وريحان
والمشوى ياختى ياعينى عليه
والسلطات اقولك إيه
طاجن البامية ولا برام رز معمر
والفتة بالثوم والخل ريحتها فايحه
منبار و كوارع الله عليهم
يرمو العضم
والله عليكى صينية رقاق بالمرقة
ولا فرخة مشوية على صينية
ودقية ورق عنب ولا ملوخية
اجمل طعم واجمل لمة
كل ده من صنع ايديه
عيدكم سعيد ياحبايبى
يالى ماليين حياتى و قلبى
سناء العاجز. مصر

 

google-playkhamsatmostaqltradent
close