recent
أخبار ساخنة

من انهارضه هطلع عينك ..رحاب السيد / وطنى نيوز


 

 
شعر غنائي/رحاب السيد.
 
هو أنا لم بقول بشتاقلك
ليه بتتقل وبتجرح فيا
وتبطل تناديني ياعنيا
وبتعمل علي طول مأموص
ما بلاش بقي حركاتك ديا
**************
ليه فاكر راح اموت من غيرك
وانا مالي يا حبيبي بتفكيرك
ازعل واغضب روح وتعالي
كل يومين تطلعلي بحالة
*************
لا والله تعبت خلاص
مش حب دا لا دا وجع راس
فوكك مني مش فيقالك
وقراري انا خدته خلاص
*************
خلاص هشيلك من تفكيري
وبقولك هتقابل غيري
هتطلع عينك يا حبيبي
وساعتها هتندم وتجيني
*************
وهقولك لا لا مش فاضيه
وهتزعل بس انا كده راضيه
اصل انا لم بقول بشتاقلك
بتفتكرني خفيفه وفاضيه
*************
من انهارضه هطلع عينك
وهبطل يا حبيبي اناديلك
واياك بقي يجي في تفكيرك
ان انا ممكن اموت من غيرك
 
شعر غنائي بقلم/رحاب السيد عطر اللافاندار.
google-playkhamsatmostaqltradent
close