recent
أخبار ساخنة

وطني نيوز | تريزا منصور تكتب .. العشم

كتب : تريزا منصور

العشم ده كلمه كبيره اوووي فإنك تتعشم في أشخاص دخلوا حياتك ومثلوا الحب فيندم قلبك علي حبهم وثقتك فيهم فتبقي مش شايف حاجه غير انهم اهم الناس في حياتك فتكمل علي حبهم وخداعهم وتبدا بقي عذابك معاهم انت خلاص حبيت وامنت وبدلت الحب المخادع بحب ولهفه باللي جواك ويبدأ العشم ونتعشم اكتر واكتر وهما يستغله ويوجعونا اكتر انت اتعشمت علشان حبيت واستجدعته علشان مشوفتش حد غيره في الدنيا أنه يكون قد الثقه والعشم ده متستغربش لما تلاقي عينك بتلمع وقلبك بينبض بلهفه لما بتشوفهم مانت واثق وعشمك مخليك مش شايف غير الحلو اللي انت عايز تشوفه فيهم وهما جواهم شر
الكارثه في الاخر تتصدم أن العشم ده للشخص الغلط للشخص اللي أمنته علي حياتك علي اوجاعك وعلي فرحك وعلي حزنك وعلي كل ذرة تفكير جواك اهلكتها من أجله بس ندمك عمره ما يفيد لانه بيبقي بعدك عن كل اللي حواليك وخليك وحيد من أجله وصدمتك في انك اتعشمت كتير كسرتك ووجعتك ويحولك لشخص كئيب وقهرتك علي قلبك اللي وجعه بلا رحمه وندمك علي الوقت والتفاصيل اللي راحت لشخص غلط خذل عشمك فيه وثقتك اللي زرعتها جواه وفرحتك في يوم من الايام 

اللي كانت في حياه ناس بنعاملهم احلا معامله بنعطيهم كل طيبتنا وطاقتنا والحلو اللي جوانا. بس للاسف بنكتشف خيانتهم بنكتشف أنهم استغلوا عشمنا في تدمير حياتنا في الطيبه اللي استحاله تطلع غير بحب من جوانا حياتنا اللي اتهانت في يوم من الايام بسبب العشم الزايد للشخص اللي اختارناه غلط وقتها بتحس مبقاش في خير ولا رحمه ولا محبه في المجتمع وأن كل اللي حوالينا مقربين لينا علشان المصالح وبس بقيت بتخاف تقرب لحد تاني ولا تتعشم في حد علشان متشوفش سواد الدنيا دي تاني علشان متشوفش سواد قلوبهم ليك لان العشم ده 
زي الحبل اللي متشعبط فيه ومتمسك فيه علشان يطلعك من مهالك الحياه وتجاربها الصعبه وفي الاخر الحبل يكون هش ومنصوب ليك علشان يموت فيك الجزء الحلو في حياتك 

انا بقي فكرتي عن العشم مختلفه متندمش انك تتعشم وتفكر في الحلو لكل اللي حواليك علشان انت غيرهم علشان انت جواك محبه وقلب صافي ابيض بيحب الخير وطول ما انتا بتفكر في الخير والعشم النضيف حتي لو اترد الاسوء فلتكن إرادة ربنا فوق كل حلول العالم تفوق عشم كل اللي خذلك

أراده ربنا تفوق قوه وعقل وجبروت الإنسان 
متتكلش وتحط املك الكبير في شخص اه اكيد كلنا مننكرش في ناس كتير عشمنا فيهم بينجينا ويفرحنا ويعطينا الامل في الحياه وده بقي نادر في مجتمعنا 
بس عشمك الغلط متزعلش عليه علشان إرادة ربنا هتبعتلك الأشخاص اللي يقدروا عشمك وحبك ليهم
ووقتها ممكن تكون انت العشم لأشخاص تانيه وتكون حلمهم وتكون طموح لناس تانيه وتنسي كل اللي فات 
أراده ربنا تعيدك للحياه في المستقبل مهما طال الوقت 
فاتعلم مع كل عشم اتوجعت بيه وصدمك 

هتلاقي مليون واحد يتعشم بيك وتحيه للحياه مره اخري ويعيدك للحب اللي ضاع منك وللمعان عنيك وللفرحه اللي كانت جواك طول حياتك 
سيب حياتك للعشم النضيف وبش وللناس الي حواليك وانسه الناس اللي مش صافيين بطباعهم ووشوشوهم بتتغير وخداعه

اتمسك بالناس النضيفه اللي معاك حتي وانت بتترمي في النار هما دول اللي تتعشم بيهم وعنيك تلمع وقلبك يرتاح لاجلهم

العشم حلو حتي لو اختياراته تصدمك في البدايه فهي هتقويك بالحب النقي اللي جواك في النهايه لكي يتعشم فيك آخرين يعوضوك كل الي فات وتنسه كل احزانك وتتبدل لفرح وبهجه وسعاده في الحياه 
يارب انت القادر علي تبديل كل ما هو شر لخير في الحياه وتمنحنا الأشخاص الصح لكي عشمنا يكون خير لينا وليهم
google-playkhamsatmostaqltradent
close