recent
أخبار ساخنة

وطني نيوز | تريزا منصور تكتب قله الرضا

الصفحة الرئيسية

كتب : تريزا منصور

الرضا كلمه جميله وهي كنز ونعمه كبيره من ربنا في حياتنا .... الرضا يعني القناعه بكل ما ربنا عطهولنا في الحياه..... يعني الاكتفاء حتي لو بالقليل علشان تنول الغنا بعد ما صبرت ورضيت بكل ما قسمه الله لك راحه القلب والعقل تكون من رضا النفس كلنا نفسنا نكون مرتاحين في حياتنا بس الراحه الكامله بتأتي من الرضا 

فمنا من يرضى بما أرسله الله بالرزق القليل ومنا من يحتاج إلى الرزق الوفير حتى يحصل على الرضا الكامل في الحياه 

الرضا انك تصبر عن ( قله فلوس أو مرض أو مشاكل او ضغوط نفسيه او افتقاد أهل وأشخاص مهمين في حياتنا ) حجات كتيره صعبه ربنا بعتهلنا وتعبانا ...

بس الفكره ان ربنا عمره ما بيبعتلنا حاجه صعبه ولا وحشه احنا اللي بقينا معندناش مبدأ الرضا والقناعه في حياتنا ربنا بيديني القدرة علي التحمل ولو مكنش عارف ان الانسان عنده القدرة أنه يستحمل ويرضا بما قسمه الله لنا مكنش دخل كل واحد في تجاربه علشان يقوينا وكل ما يبقي عندك رضا وقناعه في الحياه هتلاقي كل الخير وكل الصعب بيتحول لسهل الرضا هو انك تساعد غيرك بكل حب ونقاء من قلبك

اوقات الفرح هي لحظات امه الرضا فهي الحياه الكامله فالسعيد هو لا يملك كل الأشياء ولكن يقتنع بكل الظروف والأحوال الرضا حاجه جميله حافظوا علي رضاكم علشان قلوبكم تبقي صافيه علشان تلاقوا كل الخير من ربنا في كل مكان هتتواجده فيه 

امه قله الرضا فهي متعبه جدا في حياتنا عمرك ما هتبقي راضي علي حاجه طول ما موجود في قلبك قله الرضا ولا هتبقي راضي في عيشتك ولا صحابك ولا اهلك ولا الفلوس اللي معاك حتي لو وفيره ولا ولا حياه بأكملها كل شخص عنده قله رضا تعبان اوووي في حياته وعمره ما هيبقي مرتاح ولا مبسوط ديما هيبقي تعيس في الدنيا ديما باصص عكس ما ربنا رايد ليه ربنا بيختار الصالح والخير لينا وطول ماحنا معندناش رضا عمرك ما هتقبل أراده ربنا ليك بكل ما كتبه لك 

نصيحه كون راضي حتي لو بالقليل ارضا بحب الناس وحس بيهم علشان لو ضاعوا منك مش هتعرف تعيش أرضا بالقليل اللي بيجيلك من وظيفه لان غيرك مش لاقيها وتعبان في ربع اللي بتاخده أرضا باولادك اي كان انواعهم ايه علشان غيرك مش لاقي ضوفر طفل أرضا بمرضك علشان ربنا عارف قوتك علي استحماله وتكون قدوة لناس حواليك ارضا بحب ربنا ليك وباراده وبكل ما كتبه ليك حتي لو حاسس ان ربنا عطاك تجربه كبيره ........فمن صبر علي خير وشر الحياه ورضا بيهم ملك حب ربنا وخيره عليه طول حياته مهما طال الوقت ومهما طالت التجربه 

رضا النفس اهم من كنوز العالم كلها

google-playkhamsatmostaqltradent
close