recent
أخبار ساخنة

الفلاحة المصرية الأصيلة/ وطني نيوز

 




كتب/ محسن مجدي السيسي


صورة مواكب صوانى الأكل على رؤوس الفلاحات عندنا ف الفلاحين حاجة عادية خالص ومتكررة بشكل يومى بس جواها معانى عبقرية و عظيمة قوى جواها المروءة و الشهامة و الجدعنة والوقوف جنب بعض فى الشدة وفى الفرح وفى الحزن نشد حيل بعض ..

م الاخر "المليان يكُب على الفاضى"

فى الفرح تلاقى صوانى الأكل رايحة لبيت العريس أو العروسة من الأهل والجيران والحبايب..

فى العزا والوفاة نفس الشىء كل بيت يطلع صينية أكل لأهل المتوفى عشان الناس الغرابة والضيوف اللى من برة البلد تاكل وأهل الميت كمان اللى مش فاضيين يطبخوا ويعملوا اكل عشان ظروفهم ..

تلاقى الستات العظيمات  كل واحدة على راسها صينية اشى رز معمر واشى حلة طبيخ واشى حلة لحمة او فراخ لحد العيش البيتى والمخلل ودورق المية الازاز وكل ده متغطى بفوطة كبيرة او بشكير نضيف زى الفل

 الحضارة مش بس طوب وحجارة ومعابد .. الحضارة چينات جوانا من آلاف السنين تنطفى ساعات وسنين لكنها موجودة وبيجى لها وقت تصحى وإنتى الأصيلة يامصر

google-playkhamsatmostaqltradent
close