recent
أخبار ساخنة

وطني نيوز | تريزا منصور تكتب : «الإفراط الزايد»

الصفحة الرئيسية

كتب : تريزا منصور

فيه مقوله بتقول ان الشئ الزايد عن حده بيتقلب ضده ... المقوله دي قعدت افكر فيها .. لقيتها بتجاوب علي اسئله كتير مكنتش لاقيلها اجابه ... ليه الانسان الطيب بيتأذي علشان كانت طيبته زياده عن حدها فتتقلبت ضده وخلت الناس تستبيح طيبته وتأذيه علشان بس كان طيب زياده حبتين ... حتي الافراط في الحب والاهتمام كفيل يخلي الشخص اللي قدامك يستبيح ده لانك بتتعامل بزياده فبيستغله لأذيتك وضدك..... يمكن في مواقف ميبقاش قاصد بس هو عارف ومتأكد انك هتستحمل علشان بتعطي كله بزياده من طيبه وحب واهتمام فبيدوس اكتر وأوقات بيطلع ضغطه وعصبيته عليك لانه عارف مش هترد نفس الطريقه علشان انت بس بتحب بافراط زايد فهو واثق انك هتستحمل فهو بدلهولك لانانيه وحب تملك مش الحب النابع من قلبه لأنه مهما كان حبه صادق فخوفه عليك لا يمكن يتحول لاذيه ........ 

عمرنا اتخيلنا للحظه واحده ازاي نستغل حب الناس وبالاخص الاشخاص الطيبه اللي بتعطي بزياده مفرطه وازاي نستغل طيبتهم في الصح فكروا ازاي تبادلوا الحب والطيبه الزايده بنفس طريقتهم مش عكسها ازاي تكونوا طيبين معاهم ازاي متجرحوش مشاعرهم علشان افرطوا بزيادة في صفه حلوه فيهم ووثقوا انكم تستاهله الحلو منهم .......

يعني كل ما الشخص يعطيك حاجه حلوه بدالهاله للاحلا مش تستغله وتضغط اكتر عليه ..... بس للاسف هيجي علي نفسه ويستحملك ايام وشهور وأوقات سنين .... وفجاه الإفراط الزايد في حبه وطيبته يتقلب ضدك بسبب طريقتك واسلوبك له فيقرر يبعد ويعاملك بنفس الطريقه فتستغرب ماهو كان افراطه زايد في حبه وطيبته ازاي وصل لكده ماهو لكل فعل رد فعل بس هو رده كان متاخر علشان صبر عليك كتيرو علشان ميخسركش .ظ فتخليه ميبقاش مهتم ولا حتي يدور يصلح الغلط اللص جواك .... ويصبح الاهتمام من طرف واحد وده للاسف كفيل يقتل العلاقه بين اي اتنين اي كان درجه حبهم لبعض .... علشان علي اد االافراط الزايد في الحب حلو فهو بيتقلب معاناه وصراع بين الحب اللي كان مالي قلبك للشخص ده للكره وانانية بسبب اللي شافوا أو البعد والاختصار منه وده هيبقي باردو إفراط زايد لانه اتأذي كتير ........فكن متعادل حتي في افراطك الزايد حتي في الفرحه ممكن من زيادتها تخليك تتوجع اوي وتتصدم

...... حتي افراطك في الحزن هيسود الدنيا قدامك عن اي فرح هيخلي عينك متشفهوش .. ويخليك تمرض ... تبقي هش من جواك من كتر حزنك الزايد ... عايز تعامل الناس بطيبه عاملهم لكن بأعتدال عايز تحب حب بس قابل الاهتمام باهتمام متتنازلش ...... عايز تفرح افرح لكن اعرف انه الفرح زيه زي الحزن مبيدومش عايز تحزن احزن لكن متخليش حزنك يقفل عنيك عن حاجه ممكن تفرحك. 

الإفراط في العطاء يعلم الناس استغلالك ، والإفراط في التسامح يعلم الناس التهاون في حقك ....

والإفراط في الطيبة يجعلك تعتاد الإنكسار .....والإفراط في الإهتمام بالآخرين يعلمهم الإتكالية

والتوازن في الفضيلة هو ضمان اتزانها .... فكم من طباع جميلة انقلبت على أصحابها بالإفراط فيها ...كن متوازن في كل شيئ لا إفراط ولا تفريط



google-playkhamsatmostaqltradent
close