recent
أخبار ساخنة

هرمون الضغط 《Stess hormone》.... دكتورة فاطمه محمود / وطنى نيوز


 
 
دكتورة فاطمه محمود 
 
اتكلمت كتير فى مقالات سابقه عن هرمونات السعادة وإيه اللى بيساعد على إفرازها.
مقاله اليوم عن هرمون مهم جدا وجوده مسؤول عن غريزة البقاء. ربنا خلقه علشان لما نتعرض للخطر يبقى عندنا القدرة على التصرف السريع. هو اللى بيفعّل غريزة البقاء "هرمون الكورتيزول"
《Cortisol》.
بس لو زاد إفراز الهرمون ده عن حده بيسبب حاجات كتير:
☆☆انخفاض المناعة، ☆☆الضغط العالى، ☆☆الصداع المزمن، ☆☆اضطراب النوم، ☆☆أمراض المعدة، ☆☆الإكتئاب وغيرهم.
أنا سامعة اللى بيقول طيب ما عادى أغلب الناس بتعانى من الحاجات دى...
هو إيه اللى بيخلى الكورتيزول شغال وبيُفرز زيادة عن الحاجه؟
☆إنى أحمل نفسى ضغوط فوق طاقتى وخصوصا الضغوط النفسية.
☆أعيش حامل هم المستقبل وخايف من المجهول طول الوقت. المستقبل اللى مش عارف عنه أى حاجة.
☆أفضل طول الوقت بافكر فى المشاكل والمواقف السلبية اللى حصلتلى اللى بتخلينى أعيشها عشرات المرات وأستدعى ألمها ومشاعرها.
☆أفضل مركِز مع اللى أذانى وضايقنى اللى بيخلى المواقف تكبر وتتوحش وسيناريوهات الغضب والانتقام تفضل تاكل فيا.
وكميات كبيرة من الكوتيزول عمالة تُفرز ومش عاوزة تدى فرصة لهرمومات السعادة تعمل التوازن اللى ربنا خلقه.
دور على النعم اللى عندك واحمد ربنا عليها.
عيش اليوم اللى إنت فيه وركز على الأوقات الحلوة وكبرها واحمد ربنا عليها.
ما تحملش هم بكرة وتضيع عليك النهاردة ولما بكرة ييجى حتلاقى مليون حاجة تحمد ربنا عليها.
الحمد لله رب العالمين
دكتورة فاطمه محمود
google-playkhamsatmostaqltradent
close