recent
أخبار ساخنة

وطني نيوز | تريزا منصور تكتب : تربية البنات



كتب : تريزا منصور

الموضوع ده بجد قالبلي دماغي يمكن علشان عندي بنت ويمكن بشوف مشاكل كتير اوووي غلط في تربيه البنات انا مش هقول اني اللي هقوله ده كله انا هعمله أو صح او انا ملاك أو هدين اي ام مش صح..... لا بس انا شوفت الفتره دي تجارب كتيرة اوووي عن تربيه البنات... واد ايه دي مشكله كبيره ... بس انا شايفه حلولها موجوده 

تربيه البنت بترجع لتربيه اسريه هادئه كلها حب وحنان واهتمام ......

البنت في اي بيت إذا كان كامل او في فرد منه ناقص لاي ظرف ما ...فهي عايزة اهتمام عايزة رعايه عايزة حب عايزة احتضان ........

البنت بالذات بتقلد.... غير الولد بمثال الام والاب قدوة ليها في الكلام في الألفاظ في العيشه والطبع في الاسلوب 

فمش من الطبيعي انك تغلطي قدامها بلفظ ومش عايزها تردده مش تتصرفي تصرف غير لائق وهي تقلده فتقولي لا البنت دي مش محترمه...... اي تصرف يتعمل بيبقي نتيجه انعكاس لتصرف الأسرة فنعيب البنت ونسيب الغلط الرئيسي .....

اي تربيه لاي بنت اي كان نوع من أنواع الغلط الاهل السبب اي كان غلطه بسيطه فإن أي غلطه بتتبني علي اساس غلط فهو هيستمر لآخر العمر في الغلط ......

نصيحه من تجارب في الدنيا كتير شوفتها 

بنتك غلطت بلاش اسلوب العنف في الغلط اي كان غلطتها فاللاسف مهما كان العقاب وقوته عمره ما هيصلح الغلط ولا هتبطل تعمله مهما كان حجمه لانه هيفضل في ذهنها مهما مر الوقت.... الغلط نتيجته خلاص غلط بس الصح اللي ممكن نعمله احتضان البنت ...الحب اللي فقدته وبناءا عليه عملت الغلط نبدا نحسسه للبنت مهما كان البعد كتير وفات الاوان والكلام ده لا ده بقي اكبر غلط ... لازم البنت تحس بالأمان مش بالخوف لازم تحس في ضهر وسند ليها حتي بعد غلطتها لازم تحس ان الحب موجود والاهتمام مازال موجود حتي بعد غلطتها ..... مش روتيني لا ده نابع من القلب علموا بناتكم يكون جواهم حنان في التعامل لان بناءا علي عطايكم ليهم هيبدلوها لكل اللي حواليهم.. طريقتك واسلوبك في البيت بنتك هتاخدها وتتعامل بيها البنت بالذات اهتمامها اكتر من الولد علشان احنا في مجتمع شرقي وزي ما بيقوله سمعتها وطريقتها فوق كل شي..... بس انا رائ مختلف سيبك من الناس والمجتمع والعالم ..... علمي بنتك تخاف ربنا وأنها مهما كدبت عليكي ربنا شايف وهو اللي هيبعتلها العقاب بس علي اي شكل وطريقه من الحجات اللي بتحبها عوديها يكون ربنا وإيمانها بيه هو الخوف الوحيد من المجتمع والبيت لان لو اقتنعت بزعل وغضب ربنا علي غلطاتنا هتفضل طول عمرها خايفه من الغلط اللي عقابه أشد من عقاب اي أسرة 

قربي من بنتك كصاحبه خدي رأيها في لأبسك في لابسها شاركيها الحياه في اصغرها لاكبرها احكيلها علي تجارب ليكي وحشه كانت نتيجتها ضرر عليكي وعلي اسرتك عارفيها أن في الصح وفي الغلط وفي غلط مغفور وفي غلط صعب يتغفر من ربنا ......

اكبر نصيحه هقولها لكل ام ........

انتي قدوة لاولادك وبالأخص للبنات هما اللي هيتعلموا منك الخير والشر الصح والغلط الحب والحنان والاهتمام وهكذا الكره والجفا والقسوه ....

بنتك لما تطلع مش متعمله متقوليش هي غبيه ومذاكرتش لا هقول انتي ام مهمله وسايباها لوحدها ربنا عاطي عقل لكل طفل يستغله صح مش يهمل بيه وانتي باهمالك تكملي عليه .....

بنتك تطلع تشتم وتغلط ومتحترمش اللي قدامها متقوليش أنا معرفتش اربي قد مانتي وأبوها شتمته قدامها شافتك وانتي بتغلطي في كذا شخص فشافت أن الأم القدوة بتعمل كده فبتعمله وفي ذهنها أن ده صح فأكيد لازم تخلي بالك من كلامك وكل ردود أفعالك علشان انعكاسها عليها عاتبي حالك قبل ماتجيبي اللوم عليها ....

بنتك بتكلم ولاد وشايفه الدنيا حلوه دي بقي اهم نقطه 

اولا مش هقولك ممكن تكون بتقلدك لا هي ممكن سن مراهقتها وصحابها تكون عايزة تجرب زيهم فدي مهمتك انك تقربي انك تحتويها اكتر لان اي بنت بتجري ورا كلام اي شاب ففي جزء فراغ جوا حياتها بتكمله في ده....... نقص حب حنان اهتمام احتواء رعايه فبدور عليه برا باردو دي مسئوليتك والجزء التاني اللي قليل لو شافتك وبتقلدك ...... وشايفه ده صح

ياريت بلاش نلوم علي بناتنا وتربيتهم اد ما نشوف غلطاتنا اللي عملانها ونتيجتها عكست علي حياتهم بالسلبيه ......

عصبيه بنتك وطريقتها الغير مناسبه بسبب اسلوبك وطريقتك وتعاملك قدامها وليها كمان ......

مش هلوم اي ام ولا هعاتب ........

بس نصيحه حتي لو لوحدك وحملك تقيل احرصي علي تربيه بنتك مش علشان مجتمعك الشرقي علشان هي هتبقي ام لاولاد وجيل هيجيب جيل علميها خوفها من ربنا اهم من خوفها من البيت خليها تعرف يعني ايه خوف من ربنا واحترامه حتي وهيزمش شايفه زيك وتخاف منه خليها تفهم يعني ايه تعاليم ربنا والدين وتقاليده واحترامنا لعقيدتنا في الحياه ......

بشكر كل ام بتتعب وتربي حتي لو غلطي مره او اتنين حتي لو حسيتي انك مش كامله اصري انك تخلي بنتك كامله عنك بكل حاجه اكيد انتي بتتعبي ومازالتي هتتعبي علشان حته منك هتكمل مسيرة تعبك في الدنيا خليها تكملها صح ....

ربنا يحافظ علي كل بناتنا وربنا يعطيهم حكمه في الحياه والاخص الايام الصعبه اللي بقينا فيها 



google-playkhamsatmostaqltradent
close