recent
أخبار ساخنة

أهم قانون في القوانين الكونية/وطني نيوز

نائب رئيس القسم الادبي هند خطاب
بقلم/ دكتورة فاطمه محمود 

《قانون الروقان》 
الحقيقة أن الكون بيروق علي اللي بيروق علي نفسه 

السؤال هنا عزيزى القارئ️ ازاي تروق دماغك وتهدي أفكارك ؟

أفكارك ناتجة عن أحداثك الخارجية ، فما تشاهده عيناك وما تسمعه أذناك سواء ايجابي او سلبي وما تفعله خلال يومك يُشَكِل أفكارك ، فتحكم في مدخلاتك واختر ما تقرأ من كتب او بوستات مفيدة وما تسمعه من اغنية مبهجة وما تشاهده ، بقترح عليك 3 افلام فيهم وعي ( pk و Lucy و limitless ) من أحب الافلام  وكل فترة هرشحلكم افلام فيها وعي اكون شوفتها وعجبتني تستمتعوا بيها ، ممكن تاخد وعي من فيلم اكتر من اللي اخدته من كتاب او كورس ، فاختر مدخلاتك بعناية لأنها تؤثر علي جودة أفكارك بالتالي جودة تجربتك في الحياة

 في بحث أجراه باحثون بجامعة جنوب كاليفورنيا لدراسة الأفكار عن طريق انهم يراقبوا مجموعة من الطلبة بمراصد كهربية ، وجدوا أن الإنسان الطبيعي تأتيه حوالي ٥٠ فكرة في الدقيقة وبذلك ٣٠٠٠ فكرة في الساعة و ٧٠٠٠٠ فكرة في اليوم 

اللي متعلمش يتعامل مع أفكاره ويقودها هيتشتت وتُستنزَف طاقته وكإن في فرن في دماغه او آلة شغالة 24 ساعة لا تتوقف من كثرة الأفكار ، أعرف ناس دماغها نضيفة وذكية وبتفكر بس بتعاني من تفكيرها وذكاءها لأنها متعلمتش مهارة قيادة أفكارها 

أفكارك نتيجة أكلك 
تهتم تعاليم الأيورفيدا بدراسة تأثير أكلنا علي حياتنا 
فتتلخص تلك التعاليم في مقولة ( أنت ما تأكل ) 
أكلك صحي = نوعية الأفكار اللي هتجيلك ايجابية ، طاقتك وتركيزك أعلي ، بصيرتك اقوي وفهمك للرسايل الكونية اسرع ، جسمك صحي وخفيف ووعيك بيتطور 

أكلك غير صحي = افكار سلبية وغضب وتشتت ومشاعر متلخبطة وخنقة وضيق وتقل من غير سبب 
ايه هو الأكل الصحي ؟ 
الأكل الصحي باختصار هو الأكل اللي خلقه ربنا
والغير صحي هو اللي لعب فيه الإنسان 
اشرب مياه كتير وزود فواكه وخضروات وقلل لحوم واتنفس بعمق واتمشي واتصل بالطبيعة واسمع جسمك
️ كُل من اللي بيطلع من الأرض مش اللي بيمشي عليها ، الصيام مفيد جداً وبيطهر الجسم من السموم وبيعلي الطاقة والتركيز 

️ ساعة تأمل توفر عليك شهر تعلم ، التأمل معلم
مفيش نبي أو حكيم أو مستنير مكنش بيتأمل 
الخلاصة 
كما للصحة والسعادة والوفرة قانون فالروقان له قانون هيساعدك تحكمك في مدخلاتك وفي أكلك مع التأمل ، الأفكار الرايقة مستحيل تيجي لحد مضغوط ، التفكير الكتير طريق آخرته لحن حزين ، قلل كلام مع الناس واقعد مع نفسك اكتر ، خليك جدع مع نفسك حبها وقدرها واستثمر في نفسك بإنك تروق عليها وتهدي أفكارك ، راحة بالك وصحتك هي أهم 
الاصول فحافظ عليها
دكتورة فاطمه محمود
author-img
نائب رئيس القسم الادبي هند خطاب

تعليقات

ليست هناك تعليقات
إرسال تعليق
    google-playkhamsatmostaqltradent
    close